( منهج ) و ( مبدأ ) و ( مفهومي ) !!

[مناحي الصميل]

السلام عليكم ورحمة الله وبركاته


مصافحه اهديها لقلوبكم النيّره

يا عبيد فيني هموم الكون ملتمّه = لو منت اخي ؟؟ كان ما علّمتك علومي !
جعلك بعد راعي الهزلات والنمّه = اللي بفعل الردى بانت له نجومي
ناسٍ على طيحتي بالحيل ( مهتمّه )= تنطرني اطيح .. الا من زادت همومي
لو بيدهم حال ذا العربان والامّه = اطلق شنب حالته حاله ومضيومي !!!
بعض العرب انخلق .. والبغض ؟ .. في دمّه = مابه مشاعر ما غير عظام ولحومي
مات الضمير وتلوّث ذمّتي ذمّه = والخلق مابين يا ظالم ومظلومي
يا عبيد اوصّيك .. خلّك عالي الهمّه = لا تآمن دروب فيها شوك وسمومي
خاو الذي بالمراجل نافذٍ كمّه = وخلّك على (منهج) و(مبدأ ) و(مفهومي)
مبطي وانا اسمع كلام وحافظٍ صمّه = الخوّه اللي تنومس .. خوّة قرومي
وانا عيوني موصيها على القمّه = مبعد عن الكبر وسلومي هي سلومي
والناقص اليا حضرته قمت واتمّه = هذا فضل خالقي قوّا لي عزومي
لو زاد همّي علي بأستقبل اليمّه = وادعي لربي دعا .. وأبليس مرجومي

وسوالم