( أهداء إلى أعضاء المنتدى شاعر ..شاعر .. بالأسم)

[^فتي الوادي المطنوخ^]

سلام في منتدى العجمان= من شاعرٍ قدم أبياته
من واديٍ مادخله أنسان= إلأ وضيع بداياته
الفكر حرٍ .. وله جنحان = ياصل إلى أقصى فضاءاته
لاهو برابح ولا خسران= لو كل ماراح قد فاته
مايقصد إلآ من الحرمان = كن الحزن عايش بذاته
شاعر من الشعر جاه جنان = والصدق ..أكبر جناياته
متحزم بحجه ..وبرهان= ولا سلم من عدواته
الراس من طنخته مليان = عزمه يوصله غاياته
أقدر أهل الفكر من شان = الشعر لايخسر اداته
ومن قال انا الشاعر الفنان = يفعل اذا جا مجالاته
فالمنتدى صاحي وهيمان= كلٍ يفصل معاناته
والشك مايلحق البطران= كلٍ على قد نياته
الصدق ..مايرضي الغلطان= لاصار عكس أتجاهاته
وإللي ذبح حاله النقصان = يسد نقص بعلاقاته
ماني وصيٍ على الخبلان = في وقت يفرض سياساته
لوبيدي أحطه بزندان = وأقطع لسانه من الهاته
من شان لايزعج العربان= ويفتل عليهم شنباته
يعجبني الشاعر الرويان = إللي يثبت قناعاته
مثل (الغناوي) وبن (عبدان) = و(العود) في كل جولاته
وترى (البليهي) وسيع بطان= ضيع كثير بمتاهاته
و(فهيد ذرية عصيدان) = لامد يجزل بمداته
و(الضامي) متمكن ومليان=لو كان يخفي بياناته
(بوزيد) لاقابل الجمعان= غطت على الكل حسناته
والشاعر (محمدصويان)= يجري وتصعب مجاراته
وجانا من أقصا قطر( حمدان) = شاعر ونعرف محطاته
وترى ولد ( دسمه) كحيلان= يجمع من الفارغ أشتاته
و(منصور ابن جعشه ) إليا بان= يخلط علينا ثقافاته
(وسعود مهدي ) على الميزان= نقصه تغطيه ميزاته
و(مناحي ابن الصميل )حصان= موهوب .. تفرح بداياته
والشاعر ( أحمد ولد جوفان ) = لا جر تطربك جراته
أسماء ماقلتها سفطان = فكري وهذي قناعاته
لوكان لهل العقل ميدان= محد يوصل نهاياته
وأنا ترى لأخطيت أنسان = بلشان في كثر سياته
والعذر ياربعي العجمان = الشعر يفرض مساراته