خـبــلآن الـعـــرب ..!! .. كيبـورديـَه ..

[احمد بن جوفآن]

السلام عليكم ورحمة الله وبركاته

.

صبـاح الخيـر ,




.

على نهج الرجال اللي , تجيب العلم وترده .!=بدينا و ابتدت من حيث مبدانا .. نهايتهم .!
كلام ٍ نسمعة من ناس ماتكذب .. ومن مـُده=سكتنا مرة , ومرة .. و قررنا نسكتهم .!
نمد المخطي إليا أخطى علينا من مثل مَده=ولو ماكان يرضينا من الأساس .. مدتهم .!
ولكن مالنا من , بعض خبلان العرب .. صده .!=وحنا نلعن الشيطان منهم .. قبل عرضتهم .!
بلونا و ابتلينا في بلاويهم , على الشده=وحنا ماحسبنا حساب .. هيَنهم و شدتهم .!
حشمنا ناس , حشمة ناس ..ماتستاهل الهده .!=وانا من قدرهم حاسب حساباتي , لـ /هدتهم .!
ولكـْن العذر دام الصبر عندي .. بلغ حده .!=ولا ضيـَع هل النمات , إلا كثر نمتهم .!
ولو بـ /اعدهم , عند المراجل من هل الرده !=وقصيده ماهي بفيهم .. لو إنها تقال هزتهم .!
وهذي وضحت اشيا .. بعد باح الصبر سده .!=ولو ماكان تردعهم .. فأنا حاضر لـ /حضرتهم .!
علامة جوده تعلـَم , على خد ٍ عرض خده=تماديهم حداني لآخر .. علاج ٍ بكويتهم .!
يقولة عاقل ٍ لاضاق , يخلط طيشة بـ /جـِده=ويميـَز هرجة العقال , عاقل .. سِمـْع حجتهم .!

.

أحمد بن جوفان