بيرق المليون رده ذيب يام ..!

[خالد بن رمثان]

السلام عليكم ورحمة الله وبركاته



ألف مبروك لـ قبايل يام كافه والشعب الكويتي


فوز الشاعر / ناصر بن ثويني العجمي



وأترككم مع القصيده

بيرق ( المليون ) رده ذيب يام=من بعد ما غاب عنا كم : عام
شاعر الدفع الرباعي قد خذاه=يوم صار الشعر كالسيف الحسام
و ناصر بن ثويني الكفو اللبيب=شاعر الجزلات ما فيها كلام !
زاحم الشعار و أوفى بالقصيد=لين شق الصف في يوم الزحام
وثق أفكاره على صدر الورق=و فارقن فرق الحلال إمن الحرام
لا قصد ما تسمعون ألا صهيل=وإن حضر وقت الشعر نال الوسام
الخزامى :- في قصيده ريحها=يمطر الهاجس عليها كالغمام
إرتكى في شعره اللي جمله=و إبتعد عن ما يضر إسمه و شام
يوم قال ( البيرق ) كويتي وفا=قالها و أوفى بوعده :- بالتمام
خير منهو مثل كويت .. الفخر=ساعتن فيها تقدم ثم قام .!
مثل كويت المعزه و الشموخ=ديرتن من في ذراها ما يظام
محتزم في اللابه اللي ما تلين=و سعد عينه يوم يامن له حزام
لابتن ماهيب ترضى بالبسيط=و إن سعت ما تقنع ألا بالسنام
كايده .. و أفعال أهلها .. كايده=يشهد التاريخ و عصورن قدام !
و يوم كانت بالجنابي و السيوف=والله إن ربعي ( يدقون ) العظام
يرخصون الروح في وقت اللقى=لا اعتزو في من تغطت باللثام
و البيارق عندنا حول السماآآ=ما تطيح و لا تباع , و لا تسام
لعنبو من لا يشوش يا رجال !=بيرق ( المليون ) عند رجال يام

وسلامتكم ..


خالد بن رمثان