حنا بنـات رجال يــام العفيفات ..... لا تعترضنا نـلعن ابيك وامك

[البنت الجزله]

اقدم لكم آخر ماكتبت لكم و لمنتدانا الغالي

لانت بوزير ولا بحاكم ولايات = ولا تحسب اني جاريه تحت حكمك

حنا بنات ( رجال يام) العفيفات= لا تعترضنا نلعن ابيك وامك

حنا جبال(ن) شامخات(ن) طويلات = وحنا سيول الوادي اللي تطمك

بنات يام احرار ولهم مقامات= واحذر تفاكيرك عليهم تخمك

خذنا زعامات النساء والريادات = وارجالنا لعبوا بخالك وعمك

ماناخذ احلام العذارا هوايات = ولا نوينا يالهبايب نشمك

ابقى بحكمة بنت شيخ ولها ذات = ولاعاش يابه من بطبعي يذمك

يابه ولك طفله تقود الجميلات = مادامني حيه فلا شي يهمك

ابشر بنجمه تسري الليل بسكات = وبنورها في كل ليله تضمك

وابشر بشمس(ن) تشرق بكل الاوقات = دفت ضلوعك وبضياها تلمك

وابشر بمهره من جياد(ن) منقات = تحمل وجع دنياك لي طاح عزمك

وابشر بدره طوقتها المحارات= ماتترك المحاره الا بعلمك

وابشر بظبيه ماتهم الصعيبات =تفرح بها في معضلاتك ولزمك

يابوي فيك اكتب جزيلات الابيات= والله يخليني على طول اخدمك

اختكم البنت الجزله