السلام عليكم جميع:
هذه احدى قصائدي في قبيلتي العجمان وقد كان لها حدث ما سببها، وسيتبين موضوعها من خلال ابيات القصيده ، كما ذكرت فيها عدة من امراء العجمان.
وقد ترددت كثيرا في وضع هذه القصيده ضمن قصائد هذا المنتدى ( او بالاحرى نشرها على النت ) لاني كنت اراها قصيده خاصه أضافة الى عدم رغبتي في نشر قصائدي لعلمي التام بضعف قدرتي على قول الشعر، ولكن بعد ان طلب مني شخص عزيز ان اضعها لما فيها من ابيات مدح في العجمان ومشايخهم.
ويعلم الله سبحانه اني ماني بشاعر ولكن هذا ما اعانني عليه الله، يقول:
ألا يالله يــا مجلي الكــدر يـا الــواحد الـــوالي=عظيم الشــان رب الجـان حـــامي البيت وركانه
رجيتك والرجـــا مـــن دون بابـك فيـــه ذلاّلي=هــــــدايا للنهـــايـــــا والستــــر تظفي بجـنحانه
تهيّض خاطـري ووهـج وهـــاج وهل بالحالي= مثـــايل كنــــــها الـــدانات مــع لولو ومــرجانه
جلبها ظامـري من قـــوع بحــرٍ فيـه الاهوالي=صعيبٍ ذاك مـــن ذلي يغــــوص بمـوج طوفانه
تهيّت مــــا تونّت وعــرضت لــي مــا تهيّالي= غـرايــب مـن شــرايد عاصيه مــا هي بطوعانه
غصبها فكـر راسي كـل قـاسي غصب يعنالي =وسيّست البنــا وبـدعت فــوق الســاس بنيـــــانه
وخــــــذت أسـامر المعنى وطـوّح بـالتشـلاّلي=طـــرف كـــل ليلةٍ فيـها نجـــــوم الليــل سهرانه
اغنيها واخــص ألــها طــواريقٍ علــى بـــالي= طــــواريقٍ تغنيها هـــل الطـــــــايف وجيـــرانه
لك الله مـا نـويت أبـها شكـى مــن قلّة المــالي=عطــايا الواحــد المعبــود جتني منــه سبحــــانه
ولا وصّـف بـها ريميةٍ قـــد لــوّعة حـــــــالي= حوت من وصف حور العين عين وريح ريحانه
اباذكر من بنو بالطيب لجــل الطيــب منـزالي= رقــوا مـــا حــــدروا مطـــلاعهم بـاين للاعيانه
يا عـــل البــارق اللـي لاح قبله صـدق همّالي=علــى وادي المياه أيهـــل ليـــن أتفيض جـــوّانه
لحيث انـه لمـروين السيــوف الحـدب مدهالي=نهــار الهــوش تــدي الدين لا جـــــا الدين ديّانه
نهــارٍ لا ختلط عــــج الرمــك والـدم شـــلاّلي=تبين أبــه المنــاعير الشكــالا وســـــــــط ميدانه
وانــا لــــــي لابةٍ سمّوا هــــل العليا والفعـالي= مرازيـــــــقٍ مقـــابيس الهـــــدى للضــــد تلفانه
مرازيقٍ هـــل الصمــلا تهد الشــامخ العـــالي=ليـــا جــا مفـــرس العربان تفرس روس عربانه
يا كم من ماردٍ من صوب ربعي شاف الاهوالي=غــدى للطيــر ابو مخــلاب فـرسٍ تحت جنحانه
طبايعنا نعشي الـذيب الاسحـم كــــل عيــّـالي =وتمسي مــن هددنا ضبـعة الضـلعان شبعــــــانه
سقى الله مـن حقوق المـزن وبــلٍ دوم هطّالي=علــــى قبـــور الشيــوخ اللــي بنو للعز صيوانه
بنو فخـــرٍ لنــا مــن مــاضي الازمــان للتالي=ألا يالله تـغـفـر لاهـــــــل النـــــاموس وعـــوانه
فذا جريس اليماني(1) محــرق المحمـاس ودلالي=وبــــن وحيــر مــــانع(2) مخلفٍ نيــّـات عــــدوانه
وسـالم بـن حمـد الادهم(3) عقيد قـــروم وعيـالي=وحثلين(4) وفــــلاح(5) اللـــي بســوق الطيب ربحـانه
وأخص القـرم زيزوم السرايـا ذيـب الاسهالي=اخـــو لجعه(6) مقفي القـــول فعـــلٍ بـــان بـرهـانه
ليــا منــه تعلّـى مــن بنـات الريــح مشـــوالي=تجنـبه العنـيد اللـــي فنــــوا عـــربــــان بكــوانه
ولا يـــا شيـــخ يا شيــخ القبيله شيخنـا الحـالي=ابــــــو راكان(7) فكاك الصعايب ريـــف مـن عانه
حـلاحيـل العسايــر لا بلشت فـانتا يــا حلّلالي= تحــل الحـــايله وان حـــل مـــاحلها علـى امتانه
وانـــا يــا لابتي نــوم المــلا عيــّـا لا يهنــالي=بعــــد علــمٍ فجــع قلبــي وخلــى الكبـد وجعــانه
يقـولـون العــرب تلفي عليها قــروم ورجـالي=ثقيـــل الديــن عــزّر مكـــرم الجيـــره وضيفانه
يــا بــن ريمان(8) يـــــا حرٍ تعلّى راس مـا طالي=لك الرايــــات ننشرها علــى المرقــب وضلعانه
تخيـّر فـــي ثــلاثٍ ساقها الرحمن مـن عــالي=حـــلال ومــال وعيــــالٍ عطيه لــــك وصفطانه
والا جـا مــن طـرف بقعا تعــازير وتغـربالي=تبـــا تلقى لــك رجــالٍ علــى الطـــولات شفقانه
منــــاسيب النشامـا مــا تــوّرث خـس ورذالي=يا لاد خويطر الحـدجان ســـاس الجــود عجمانه
مــــــواري وردنا قــبٍ طــربها كـل خيـــّـالي=عليها أهــــل القنـــازع شلفها مــن الضد رويانه
وصلى الله على الطاهـا الطهور الطيـّب الغـالي=شفيـع النـــاس فـــي يــــــومٍ يشيّب روس شبـّانه
( بن علي الخويطر )
1/ هو جريس بن جلبان ال حبيش
2/ هو مانع بن وحير ال حذان ال حبيش
3/ سالم بن حمد العبد ال ناجعه
4/ حثلين بن سالم العبد ال ناجعه
5/ فلاح بن مانع بن حثلين ال ناجعه
6/ راكان بن فلاح بن حثلين ال ناجعه
7/ سلطان بن سلمان بن سلطان بن فلاح ال ناجعه
8/ ال ريمان من ال خويطر
الخويطر2003
31-08-2004, 10:09 AM
العرض العادي
