من غدت منه الذلـول العمانيـه=ماتعوّضـه ناقـة الله وسقياهـا

[Shaheen]

السلام عليكم

في البدايه أتشرف بتسجيلي معكم وأحببت أن أصافحكم بقصيده للشاعر العلم مدغم ابو شيبه السبيعي

أتمنالكم حسن القرائه والإستماع

ياوجود اللـي عيونـه شقاويـه=مرّهـا حلـو المنـام و تعداهـا
كن بين جفونهـا جمـرةٍ حيّـه=مايطفيهـا سهرهـا ولا ماهـا
بيّتها ليل الشتا في ابـو حدريـه=واحتداه وحد نفسه على اقصاهـا
مشكلة بعض الصدور الجنوبيـه=لو تجيهها دمعة الطيـر تملاهـا
العوامـل والظـروف الطبيعيـه=غيّرت مجرى زمنها و مجراهـا
والجفا يا اهل القلـوب الهواويـه=حطم احلام المحبيـن و انهاهـا
ياوجود اللـي عشـق لـه .....=في صلاة الرحم ماهوب وياهـا
من تحبه لو تحبـه علـى النيـه=برّكت فـاقصى ضلوعه مطاياها
ذوقتني هجرهـا ثانـي ضحيـه=و استلا قلبي على حـر فرقاهـا
حايلٍ من دونها حـول و شويـه=مير مـالله حال من دون ذكراها
كل حاجه باقيـه مثـل ماهيـه=ما سرا معها على درب مسرهـا
غير عضو في جهتي الشماليـه=فاع من عوج الحنايا و خاواهـا
ودمعة نطّحتهـا راحـة يديهـا=اف يا ماحرهـا و آح مقساهـا
حولتهـا يـوم قالـت وداعيـه=واستباحت سترها فوق ماطاهـا
حيلتي لاهبت النـود عصريـه=قمت مع كل الجهـات اتحراهـا
وامسيت الفرحه يتيمـه ومنسيـه=في عيونٍ حرقة الوجد تصلاهـا
عن خدينات الترف نفسي معيـه=لو تجينـي مثلهـا كنهـا اياهـا
من غدت منه الذلـول العمانيـه=ماتعوّضـه ناقـة الله وسقياهـا
دكّت اضيوف المعازيب رجليّـه=مابقى الا ضيقةٍ فـوق مركاهـا
سيرة من وحي عامين هجريـه=ودي انساهـا والا ودي انساهـا
المعالـم و الرسـوم الطلالـيـه=مايحفـظ امجادهـا الا بقاياهـا
ذكريات تعبـر العمـر طرقيـه=وذكريات في وطنهـا ومرباهـا
وصورة في متحف البال مطويه=كـل يـوم افلهـا و اتهجـاهـا
من لها قـدر اولويـه و اهميـه=ماشعرت بغربة العمـر لولاهـا
والذي نفسـي بيـده انهـا ليـه=اقرب من كفوفهـا عنـد حناهـا
لو جفتنـي والعيـون الشقاويـه=مرهـا حلـو المنـام و تعداهـا

[ناصر بن فالح]

الله الله



صح لسااانه ولسااانك


ولاهنت على النقل المتميز

[Shaheen]

المشاركة الأصلية كتبت بواسطة ارسطووو

الله الله



صح لسااانه ولسااانك


ولاهنت على النقل المتميز

القدير / أرسطوّ

الله يصح بدنك ويسلمك على تشريفك لنا من خلال

مرورك وتعليقك

[فيصل ال رشيد]

مشكلة بعض الصدور الجنوبيه

لو تجيها دمعة الطير تملاها


الله الله

صح اللسان الشاعر


لاهنت يا شاهين على النقل والاختيار اللمميز

[Shaheen]

المشاركة الأصلية كتبت بواسطة algarm

مشكلة بعض الصدور الجنوبيه

لو تجيها دمعة الطير تملاها


الله الله

صح اللسان الشاعر


لاهنت يا شاهين على النقل والاختيار اللمميز

القدير / القرم

لم أتكبد عناء نقل هذه الدره المميزه إلا لمعرفتي بأذواق متصفحي هذه الشبكه

أشكرك جزيل الشكر على مرورك وتعليقك

تقبل مني كل الود والإحترام

[نـاصـر]

شاهين

أختيار جزل وصح لسان الشاعر العذب مدغم أبو شيبه

وحياك الله بين أخوانك وسعدنا بإنضمامك معنا

[قبلة العذارى]

شاهين


اختيار رائع لشاعر مبدع


لاهنت ويعطيك الف عافيه


تقبل مروري