(لبى عيونه ولبى زوله الغالي)

[السياسي]

يانزعة الواهس اللـي ضيّقـت بالـي=يالله ياربـي تكافـي شـر هالنزعـه

انـا اتصبّـر وزاد الشـوق غربالـي=إلين ضاق الفضابعيني.. على وِسعه!!!

كني عليلٍ يشـوف علاجـه محالـي=وفي كل لحظه يزود الحزن به جُرعـه

مالي ياكود انفجـر واصيـح بالغالـي=واقول انا ميّت ان ماجيت.. هالجِمعـه

ياوجد حالي عليـك إلا بـري حالـي=من يوم قفّيـت كـن الـروح منّّزعـه

انا احسبنـي علـى فرقـاك بحتالـي=لكن عقب غيبتـك ماانكفّـت الدمعـه

اصفح عن وجيـه حسـادي وعذالـي=اللي علي يفرحون ان شافـو الهزعـه

ودموع عيني ماطاحت يوم الاهوالـي=يوم المصايب لراسي جـات مرتبعـه

مشتـال حملـي بفضـل الله مشتالـي=من طيب راسي ولاابغي من حدن فزعه

بس الهوى مايفـرّق بيـن الازوالـي=ولاحدٍ يعارض على سلمه ولاشرعـه

والقلـب نصفـه الاول كنّـه التالـي=سهوم الهوى لااغزته ماهيب منردعـه

وانا ذبحنـي غـلا ذربيـن الافعالـي=وزودعلى حبهم لـي عندهـم طَمعَـه

غرو ٍ خياله يخاوينـي ويبـرى لـي=اموت في شوفته واموت فـي سَمعـه

(لبى عيونـه ولبـى زولـه الغالـي)=ولبيـه كلّـه ولبـى جنسـه وطبعـه

شبعان ذوق وحلا وشـوي متعالـي!!=وبالملح والثقل ماهـو قاصـرٍ شَبعـه

لبـى المحيـا متـى بشوفـه اقبالـي=اللي به الحسن فتنـه والحسـن نَبعـه

ان كان ماشفت زولـه مـت طوّالـي=قولو له اخر وعد عصريـة الجمعـه

انااشهد ان المفـارق ضيـم واذلالـي=راعيه ماعاد يطيق أهلـه ولا ربعـه

معهم وكنّه لحاله فـي الخـلا الخالـي=غيبوبتـه تاخـذه والنـاس مجتمعـه

وسلامتـكـم وتعـيـشـون



مــغــلــيـــكـــم



الشاعر محمد فهد العرجاني


السياسي