قصيده اعزهــا جدا" لـ شاعـر اسمـه راشد بن محمد ويمكن تلاحظون انها رجاليه بحته لاكنـي احب واطرب لهذا النوع من القصيد
اتمنى ان تنال على رضاكم
ماكل من ربى شنب صار رجـال***بعض العرب اشنابها لـي لحاهـا
وبعض العرب فالمرجله تفعل افعال***والبعض الأخر جيدها في حكاهـا
وبعض العرب دفع البلا جاله اهبال***حتى دروب اهل الرذيلـه مشاهـا
الله يجنبنـا مصايـب هلأجـيـال***ولا يجيـنـا فالـبـلاوي بـلاهـا
ودي بخوي ٍ خوته تطـرب البـال***اعتزبـه فـي مجلسـي واتبـاهـا
يفزعلي في وقت الشدايد والأهوال***ويقوملـي مثـل الصقـر لانواهـا
فالمرجله والجود والطيـب مامـال***فعله جزيـل ٍ والمراجـل شراهـا
ماني بدوّر صاحب القيـل والقـال***الـي ليامنـي عطيـتـه نسـاهـا
وماني بخاوي رفقة ٍ كلهـا انـذال***افعالهـا زادت عليـهـا رداهــا
والصاحب الي خوته مطلب او مال***خوة خسـاره والخسـاره وراهـا
والي نسى فعل الرياجيـل ينـزال***ليـن ايتعلـم فالجمايـل عطـاهـا
وياماحلا المجلاس في كل الأحوال***مع رفقة ٍ تسوى الذهب في غلاهـا
جمعت نشامه من بني عم ٍ وخـال***جمعـه وفيّـه مـن بغاهـا لقاهـا
قد قالها راشد بـن محمد وطـال***في وصف يرضي كل منهو قراها
وسلامتــكــمـ ...
24-05-2008, 10:05 PM
العرض العادي
