لا يارفيقي بالصدر قلب ملتاع...

[محمد بن ضمين العتيبي]

السلام عليكم ورحمة الله
مساكم/صبحكم الله بالخير
هذي قصيده حبيت اشاركم فيها وانشاءالله انها تنال على رضاكم(والله يجملنا معكم)
يقول::

لايارفيقي بالصدر قلب ملتاع=واثر المفارق اكبر اسباب لوعه

فالسوق شاري مير مافيه بياع=كل(ن)يدور فالبضاعه نفوعه

لاجيت اساومهم على الصاع بالصاع=الكل يرفع عن مجالي سموعه

واصبحت مثل الطير لاطاح بالقاع=يجهل سبايب طيحته من طلوعه

لكن لي راس(ن)مع الذل مانصاع=ولاغيره ميل الزمن عن طبوعه

قيل الكرم والطيب من خير الاطباع=لاجمعت برجال ياطيب نوعه

والذيب لامنه سرى ليله وجاع=لابد يلقى شي(ن) يسد جوعه

وان مالقى ماذل نفسه ولا ارتاع=يموت راسه قبل يعلن خضوعه

وسلاااامتكم

[احمد بن جوفآن]

والذيب لامنه سـرى ليلـه وجـاع \\ لابد يلقـى شـي(ن) يسـد جوعـه

وان مالقى ماذل نفسـه ولا ارتـاع \\ يموت راسه قبل يعلـن خضوعـه


الله الله

..

محمد بن ضيمن العتيبي ..

..

صح لسانك يالشاعر ..

ولاهنت على ذالجزله ..

ولاتحرمنا من جديــدك ..

[سالم الرتيبان]

صح لسانك وعتلى شانك

[محمد بن ضمين العتيبي]

صح ابدانكم طالت اعماركم
والله لا يحرمنا تواصلكم