لست بهواوي كما تعلمون... ولكن!!

[@ فــهــد @]

انا ماني بهواوي كما تقرؤون في ملفي الشخصي

ولكن صارلي موقف خلاني اكتب هالقصيده المتواضعه البسيطه القديـــمه
وهي ليست صالحه للنشر ولكن بما انني في منتدى لا يعرفني فيه شخصيا سوى القليل
فقررت انزلها من باب المشاركه والاستفاده

وعساها تحوز على رضا الجميع وشكرا

للعلم:: سعد = ولد عمي

بسم الله

يا سعد ظايق وعايشني قهر=وادعي الرحمن يفرجها علي
ماهي بيومين واسبوع وشهر=تحرق بجوفي لهيبٍ يصطلي
ضيقةٍ يا ضيقها طول الدهر=يا عساها من خفوقي تنجلي
من سبايب جادل بعمر الزهر=الفيافي من قدمها تحتلي
ورد بل اشجار بل ينبع نهر=يروي الظميان حتى يمتلي
ولو نظرها مهتني ماقد سهر=عاش ليله في تولول مبتلي
ولو نظرها مبتلي ضيم وقهر=من هدبها عاف وقته الاولي
تبهر اللي في حياته ما نبهر=بالجمال اليوسفي المذهلي
هي قصيده من كتبها انشهر=هي نشيده من نشدها يعتلي
والحلي فيها تلد وتنقهر=يا ملاكٍ سد عن كل الحلي
كامله فالوصف من وجه وظهر=ولا تغنت غار منها البلبلي
يا ثرية عز يا بنت الطهر=يا حفيدة قرم يا اخت الشلي
يا هجوسٍ لاعبٍ بي من ظهر=ارحميني واسمحيلي وازهلي
ازهلي سيف الجزيله لانشهر=ضارب لعنق الهزيله مقبلي
كل هذا سابقٍ لاحلى مهر=يا عساني مع مزاياش اختلي
ويا سعد ضايق وعايشني قهر=إفهم المقصود ولا تشره علي

وسلامتكم..

[فــلاح]

حجـز ( 1 ) أمــام هذه الشامخه

[اخو شيخه]

الله الله

صح لسانك

عزالله انها قصيده بكل ماتعنيه الكلمه

لاهنت يالقرم

[مبارك بن مجروب]

الضامي صح لسانك

قصيده في غاية الروعه

لاهنت على هالابداع ,,,,

تقبل مروري

[مناحي الصميل]

الظامي

صح الله لسانك


ولا هنت على هذه الرائعه

[سعد بن بصيص ال فنيس]

الله الله

:
:


صح السانك

:
:

والله لايهينك (رائعه جدا )

:
:

وتقبل مرووري

[@ فــهــد @]

المشاركة الأصلية كتبت بواسطة طويــــق

حجـز ( 1 ) أمــام هذه الشامخه

لا هنت يا طويق على المرور والحجز
ولنا الشرف

[@ فــهــد @]

المشاركة الأصلية كتبت بواسطة اخو شيخه

الله الله

صح لسانك

عزالله انها قصيده بكل ماتعنيه الكلمه

لاهنت يالقرم

اخو شيخه....نفعل كل ما نستطيع لارضاء ذوقك وذوق شرواك
لا هنت على المرور

[@ فــهــد @]

المشاركة الأصلية كتبت بواسطة مبارك بن مجروب

الضامي صح لسانك

قصيده في غاية الروعه

لاهنت على هالابداع ,,,,

تقبل مروري

مبارك بن مجروب .... صح ابدنك ...وسام على صدري اعجابك...
وشكرا لمرورك.

[@ فــهــد @]

مناحـــــــــــــــــــي الصميـــــــــــــــل ,,,, سعـــــــــــد بـــــــــــن بصيــــــص
لا هنتو ولا هنتو ولا هنتو ولا هنتو عالمرور وصحت ابدانكم

واعجابكم اماريبه..
وشكرا.