حل السعد والكـل منّـا استسـرّا =وعاد الفرح لقلوبنا عقب الاحـزان
الحمـد للمعبـود جهـرآ وسـرّا =ربٍ علـى خلقـه رحيـمٍ ومنـان
اللي رفع عن سيـدي كـل ضـرّا =وحقق رجانا يوم ندعـوه بأيمـان
سلامتك ياميـر مـن كـل شـرّا =يحفظك ربي من صواديف الأزمان
عمرك طويل وفـي ذراك انتـذرّا =يـدوم عـزك ياسلايـل كحيـلان
في شوفـة محيّـاك كـلٍ يسـرّا =وتسعد بك قلوبٍ لها الوقت مازان
بقلوبنا غالـي ولـو كنـت بـرّا =غالي ياخو نوره وفيك السعد بـان
ويلان مامن عـن غلاكـم مفـرّا =نفخراليا قلنـا المعازيـب ويـلان
شيخٍ على كسب النفايـل مضـرّا =تدوم ياسلطـان للمجـد عنـوان
مـدّة يمينـك لاعطـت مـاتـدرّا =عطاك للمسلم وصل كل الأوطـان
القاف زانـت صوغتـه واستمـرّا =تطرب حروفه دامها بمدح سلطان
تنطق على مـدح العزيزيـن درّا =أللي لهـم بقلوبنـا بالغـلا شـان
بقلوبنـا سلطـان يملـك مـقـرّا =وفي دمنا يجري غـلاه وبالأبـدان
ياحـي منهـو شامـخٍ مـاتـورّا =والحمل لامنه بـرك لـه بليهـان
وجه السعد والخير منـه ايتحـرّا =له وقفةٍ يفرح بهـا كـل انسـان
مثل المـزون بغيثهـا لااستـدرّا =يوم استهلت يرتوي كـل ضميـان
لاجـاه مضهـود الزمـن ماتبـرّا =يبشر بعزّه من لفى طير حـوران
صافي النوايا مايجي منـه ضـرّا =ويقابل السيّه بعفـوه والأحسـان
ولـي عهـد وبالدفـاع استقـرّا =حامي حماها يوم حزّات الأكـوان
سقم المعادي لااستهـان وتجـرّا =ليثٍ تهابه باللقـاء كـل عـدوان
حل السعد والكـل منّـا استسـرّا =وعاد الفرح في عودة الليث سلطان
ارجوا ان نالت القصيدة على استحسانكم وشكرا
العرض العادي
