رائــعه المبـدع / عبدالكريم الجباري
أتمني إن تعجبـكم 
قام يطويني من فراق الحبيب طاوي =ويل من حده زمانه عن لقى محبوبه
اشهد ان الوقت وعيون البشر ماتاوي = كل ماتاصل لحد الغلا قفووبه
سامح الله الهنوف اللي بعدها ذاوي = ماقدرت القى حلاها نادره واعجوبه
خصرها كنك توصف دلة الضلماوي = بس فيها عروتين وماهي بمربوبه
لالفت كن القمر يوم اكتماله ضاوي = كن من رقة قدمها للمشي مغصوبه
اه لا شفت العيون ولبسها البداوي = قلت يارب العباد المغفره والتوبه
لاحكت كنه مسولف لي اديب وراوي = بس زادتها دلع وهروجها بعذوبه
هرجها بين القصيم ولكنة الزلفاوي =كان ماهي منها حول المكان وصوبه
انا وين الله بلاني بالحلا الجهراوي =من ثلاث سنين عارضني ودوبي دوبه
مانلومه لاخسر راعي حلا الصيداوي = كل مانزل بضاعه كنها مضروووبه
ذيك من شدة غلاها اشهد اني غاوي = يقطع الله الغلا ويقطعك يامندوبه
خص لاطربني غنا ميادة الحناوي = كن مضمون القصايد يمها مكتوبه
من يلوم المنتظر والا يلوم الهاوي = كل ماهب الهواء طالت عليه دروبه
والقهر لاشفت مضنونك ولانت بقاوي = عزتك تطغي عليك وغلطتك محسوبه
19-07-2008, 12:09 PM
العرض الشجري