أنا عجمي من سلايل اعوال مرزوق .. اهل السيوف مطوعة كل غاوي

[ر1كان الناجعي]

السلام عليكم ورحمه الله

حي الله العجمان

مسيتو بالخير طوال العمار


لفتت انتباهي بالمنتدى بعض قصايد الفخر للشعراء العجمان

وحبيت انظم لهم بمشاركتي وعسها تعجبكم

سر ياقلم دام المعاني لها سوق

............................. واحذر تعثر لامشيت الخطاوي

يكتب بك اللي مايهمه ولا عوق

.............................. بالغصب ناخذها بليا منـــاوي

أنا عجمي من سلايل اعوال مرزوق

............................ أهل السيوف مطوعة كل غاوي

أمشي وراسي بالسما دايم ٍ فوق

.............................ماهمني بالدرب ذيب ٍ يعـــاوي

محد ٍ سبقني لا ولا صرت مسبوق

.............................. مابدل الموت الحمر بالرجاوي

يوم الملاقا واحمر الدم مدفوق

............................... من قو عزوتنا تموت العزاوي

حنا هل الردات حنا هل الذوق

............................. نرسي ليا هبت هبوب البلاوي

مع المنايا بين عاشق ومعشوق

............................. وضرباتنا تعجز طبيب ٍ يداوي

حنا هل العليا على كل مخلوق

........................... والوجه الابيض مايجي بالرشاوي

واليوم يامنصور جيت برفوق

........................ بالوجه الابيض للعرب جيت ضاوي

ارسلتلك درب الرسالات مغلوق

............................ .فعل بريدك ياسليل النـــــــداوي

رميتلك لغز ٍ وضعته بصندوق

........................... بالقاف وضح لي على ويش ناوي

علم ٍ قريته واصبح العقل مطفوق

............................و.دارت رحاها بين شاعر وراوي

والدم ضغطه زاد في كل معلوق

............................. والليل طول ياحياة الشـــــقــاوي

والضيف قرر يطوي البيت ويسوق

............................. دام المعزب رافــع ٍ له دعــــاوي

حتيش لو هو صار بالعلم مصعوق

............................ حتيش لو يقضي حياتــــه خلاوي

اهم حاجه مايجي صدره فتــــــوق

........................... النجم في علياه ماهوب هـــــــاوي

ياضيقة ٍ بالصدر لاصار محــروق

............................ الفرق واضح بين فارس وشـاوي

الصوت مايطلع ليا صار مخنــوق

............................ والوقت ماينفع بليـــــــا فــــداوي

والقلب ماينفع بـــــلا دم وعـــروق

............................ والوقت لايرحم ولاهوب يــــاوي

دام الضحية بين عقـــــرب وزاروق

............................. انا اشهد ان العقل بيصير خــاوي


غنيتها مبطـي على كــل طـــاروق

............................ ولحنتها لحن ٍ يكيــــد الحســـاوي

ورتبتها مابين فـــارق ومفــــروق

.......................... وكسيــتها ثوب ٍ يكــــيد الهـــــواوي




بو ناصر