----------------------------------------------------------
كروة الرجلي
هيض( ابن الذيب) من هاجوس باله
كلمة,..يلعب بها البال زيني
قالها يومه طرى له..ماطرى له
من هواجيس تشيب المرضعيني
غرني بعض الرجال..بكثر ماله
مادرى ان الموت في حبل الوتيني
كيف ينفعني..واباالفلآت..خاله
مايقوم البيت..دام الساس طيني
الردي..لاواخسارة من عنا له
ليتني ماابديت للملهوف..ديني
احسب انه..يلحق الحافي نعاله
يوم جاه العلم مني..باليقيني
ناس..وين الي عوايده الجماله
مثل(ابن ظافر حمد)ليته يجيني
الثنا والجود..دايم في خياله
علمه(ظافر)..سلوم الطيبني
جود العليا،وقضبها عياله
وادركوا من علمته..دنيا وديني
واهني من باع حظه،واشترى له
سار في درب النبي..واخزى اللعيني
موقفه..ماكل رجال يناله
من بغى ممشاه..يقعد مرتينيي
كم ذبح من حايل من حر ماله
وعادته..لطمة خشوم العايليني
حلف ماخذعلى الطرقي رياله
بالثلاث محرم أنها ماتجيني
لى لقيت الي على (السكة)لحاله
يلتفت،ويقول(وين المستحيني)؟
أوقف الموتر حيا..وابي الجماله
يوم ولد اللاش وجه مايليني
الطمع في (كروة العبري)رذاله
خص به..وان جا مجال الغانميني
والردي في حالة ماهي بحاله
ياعوينه..من كلام الطيبيني
الردي..كوبان مايذكر مجاله
مايعد اللاش مقصور اليميني
اركبه..لعيون من زين دلاله
ماتحاكوا في قفاه الرامسيني
مابغى غيري،واناماابغى بداله
قاعدلي في الرجا..مدة سنيني
الولد..وان طاب..قالوا:من خواله
بالخوال يسال..قبل الوالديني
اشرب الفنجال،واكب البياله
تابع سلمي سلوم الأوليني
ولاقعدنا بالعمل نبغي الرزالة
ناخذ العليا..طريق الفايزيني
وسلامتكم:
للشاعر:راشد بن حسن بن الذيب
_____________________________________________
*معلومات عن القصيده وعن الشاعر
*هذه قصيده مشهروه،وقصتها معروفه،ولكننا في الغالب نعرف ابياتا"قليله منها ورغبت بطرحها بالمنتدى كامله.
*وفي هذه القصيده التي يفتخر بها بفعالة الطيبه وخاصه عدم التخلي عن أبناء السبيل.
*حمد ابن ظافر:هو أحد الوجهاء وهو يمدح طيبه.
*والقصيده فيها جانب من الغزل.
*الشاعر:راشد بن حسن بن الذيب توفي في عام 1986ميلادي.
وتقبلوا تحياتي:اخوكم هايض^الخفوق
25-08-2008, 09:26 PM
(الولد..وان طاب قالوا:من خواله**بالخوال يسال قبل الوالديني)للشاعر راشدبن حسن
العرض العادي
