ودعتـــــــــــك الله

[سلطان الهاجري]

هذه قصيده جميله واعجبتني حيل واتمنى ان تنال اعجابكم



ودعتك الله لو على قلبـي اخطيـت ** وحاربتني من دون ذنـب وخطيّـه
احسبك تذكرني إذا اصبحت وامسيت ** واثرك على فرقـاي نفسـك هنيّـه
الله واكبـر كيـف عنّـي تخلّيـت ** من بعد ما علقـت روحـي البريّـه
وش غيّرك وش بدّلك ليه صدّيـت ** وانت الذي بالقلب نبـض وهويّـه
من هو بقى لي بعدما عنّي اقفيـت ** وقدمتنـي للحـزن اثمـن هـديّـه
كلـش تخيلتـه ولا يـوم ظنـيـت ** إنك لحـد غيـري ولانتـاب ليّـه
ويلك من الله كيف بالحب ضحّيـت ** قلبك حجر مـا حـنّ يـومٍ عليّـه
اللي بنينا بْعمر فـي يـوم هدّيـت ** واحلامنـا مـا عـاد منهـا بقيّـه
اتعـد غلطاتـي إذا يـوم زلـيـت ** من دون مدري .. وين ذيك الحميّه
مافيه معصوم الخطـا لـو تحريـت ** ولا فيه كامـل غيـر رب البريّـه
ولو ما احبك ما نشدتك ولا اطريت ** بعـدك وصـدك وانتخيتـك نخيّـه
ترجع لقلـبٍ يـوم بالعقـل حبيـت ** وتترك هل الأحقاد واهـل الوشيّـه
خايف عليك وخايفٍ منـك ياليـت ** مايوم حبيتـك وصـرت الضحيّـه
لا نيب حي بعد هجـرك ولا ميـت ** ولا ني مريـض ينعـرف بالشكيّـه
لكنـي ادرى بحالتـي لا تـرديـت ** ولا ينفـع الملتـاع طبـه وكـيّـه
مالي سوى اللي كلمـا راح ناديـت ** يا كـود يسمعنـي ويرجـع إليّـه

وسلامتكم للشاعر : عثمان العبدالله

[قبلةالعجمان]

صح لســـانك .....

[سلطان الهاجري]

صح بدنك يا الغاليه

[هند]

الأخ القدير ( سلطان الهاجرى )
دوماً تأتي بالأبيات الرائعه الجزله

صح لسانك
وننتظر جديدك


السؤدد

[وردة&العجمان]

سلطاااان الهاجرررري


صح السااااانك الف والسااان قايلها


لا هنت




تحياتي
وردة&العجمان

[سلطان الهاجري]

صح بدنك يا السؤدد وورده العجمان وشاااكر لكم على المروور