======> منتخب الكويـــــت <======

ابن شتــــران · #1 11-01-2009, 09:48 PM

مساءكم خير

مشاركه بسيطه تحكي عن المنتخب الكويتي
والمعنى مفهوم وان شاءالله نرى الازرق
في بطولة الخليج الحاليه بصورته المعروفه ..!

:

:

يا المنتخب علـّم وجيه ٍ تحدّتـْك
كيف الرجال تواجه اية صعايب ؟؟

وكيف الظروف القاسيه يوم هدّتك
ما هدّت عيون ٍ رقـت \ للسحايب /

يا المنتخب هذي فعولك ومدّتك
والكل عارف ويش لا جيت جايب !

تصنع .. من اوقات ٍ تعدّت وودّتـْك
حاجات وااااجد باقيه وانت غايب !!

:

:

بطــــل

بطـــــل

بطـــــل

بطـــل ومن هيبتـْـك طوّلـْت مـُدّتك !
حتى لا جيت تـْجي وتكسي الحبايب

عيون ترقب جيـّتك ما تعدّتك
وقـْلوب تبكي من جروح ٍ عطايب !

وآمال مبنيه عليك وتغدّتـْك ..
باقي عشاهااااا وْيصبح الكيف طايب !!

اي والله ان / الكاس / يطلب مودّتك
والوقت مل غـْيابك وعاش خايب

والناس بدْعاها تمنـّت وردّتك
من عقب حسره .. ضيق .. جرح ومصايب

هذا (( زماااانك )) لو ايدينه ماشدّتك
يكفيــك بـ انك طايل ٍ به وصايب

ويكفيك بأن جاتك وجيه ٍ وضدّتك
من شان تاخذ [ مجدك ] اللي عجايب !

لكـــن !! على الله يا وجيه ٍ تعدّتك
تقدر تجاري شدّتك فـ النوايب !!!

ويا المنتخب علم وجيه ٍ تحدتك
بأن الكويـت اليوم قد الصعايب

:

:

حســن آل صليع