شكرا ً لـ ظلمـك على حسن أهتمـامه .. ( كايفـه ) لـ مشعـان البـراق ..

[جطلي بن فهد]

للتواصل , !

الصبر سجن الرجا.. وسلومي قيود=واخاف لاجني من الصمت الندامة
صابر وساكت واشوف الوضع مشدود=ما ودي اجرح باحاسيسي صيامه
من محجر الشح طاحت "دمعة الجود"=حتى غشت وجه الايام الملامة
بالضبط ما كنه الا دمعة العود=عود ٍ من عياله يشوف انهزامه!
وانا احسب ان الغياب سهود ومهود=لو كنت اميز حلاله من حرامه
ويوم افترقنا الضحى يا اعز مفقود=حسيت بالكون يوم اسدل ظلامه
برّي وبحري ونسمة بارد النود=وسماي.. فاقدك غمامة غمامة
سما لكن بدون بروق ورعود=عجزت اواسيه حتى بابتسامة
والونة اللي تغيب شهور وتعود=صرت اتمنى لها طيب الاقامة
جا للمشاعر ما جا لاصحاب الاخدود=شكرا لظلمك على حسن اهتمامه
واللوم شيخٍ وراه جروحي وفود=وان مد يمناه.. "عز الله مقامه"!
وفاي مثل الشجر واوراقه عهود=حطي على غصن شوقي يا حمامة
أرجي وسلك الحرير يقودني قود=قود الزعيم لمقاليد الزعامة
وان كان هذا الامل ما جاب مردود=قامت على راس عاشقك القيامة
يخسر تعب هالسنين وكل مجهود=وتاخذه عن راحة البال الشهامة
غيرك لو انه فرش فدروبي ورود=وفرض قبل مقدريته احترامه
اقول له ما على مشاعرك زود=لكن خلك على فراش الكرامة
أما انت ولا بلاش معاشر الخود=ماني مبدل شدادي بالمسامة
مواصلك لا ذكرته يا اطرق العود=اقول يا جعل للجنة عظامه
سافرت منتب على سفرتك محدود=متى على الله ترجع بالسلامة

لـمشعان البـراق

[ناصـر محمد المجروب]

وش اقول .. وش اخلي .؟

سمعتها بـ شاعر المليون واستغربت انه مو من ضمن الـ 48 ..

الصمت في حرم الجمال جمال ..

كثّر لنا من هالقصايد يابوفهد ..

تقديري ..

["..عـَـذْبـًة الأطْـبـَآآآآع.."]

" كــآيفــه "

/


صح لسـآن شـآعرهـآ ..

وتسلم يمنـآك يـ / ابو فهـد ,,,,,

[شوقـ الصحاريـ]

راااااااائع ـــه . . ,

صــح لســـان شاعرهـــا مشعااان البــراق ,

ولاهنـــت اخوي جطلـي على حسن الاختيــار .. ,


لك تقديري

[موادعك خيره..!]

ويوم افترقنا الضحى يا اعز مفقود
حسيت بالكون يوم اسدل ظلامه


خوووووش إختيار


صح لسانه وتسلم عالنقل الرائع

[فــلاح]

ياسلام

قصيده سلسه واسلوب خاص في مشعان البراق


وعلى قولة الاخوان اختياار خووش

وصح الله لسااانه وصح الله لساااانك