هذي محاورة بين مستور العصيمي وحبيب العازمي
كانت في حياة كل ٍ من الشيخ بن باز والملك فهد رحمهما الله وأوردتها هنا لأنها على بحر قليل من يكتب فيه يسمى الرجز
والمعنى ببطن الشاعر
مستور العصيمي
نبا نعرض الدعوة على الشيخ بن باز*** عسى الشيخ يا حبيب يحل الدعاوي
يبا يرخص البترول والزيت والقاز***يجيك السعد والخير من شرق ضاوي
حبيب العازمي
أظن المشائخ مايحلون الألغاز***ولا فيه للألغاز تصدر فتاوي
ليا رخصت الأسعار ماعاد يعتاز***عطيناك يا مستور بشت ٍ حساوي
مستور العصيمي
بغيت الجبل يراز ماهو بمراز*** عسى الله يكافينا جميع البلاوي
سليمان بن داود يعكز بمعكاز*** وانا اقول ولى مع بخيت العطاوي
حبيب العازمي
يقولون فاز الصرب واقول مافاز***انا اقول جاه اطباق جمرٍ سماوي
ضربت البحر والبحر ماهو بينهاز*** يامستور ياكافي البلاء والبلاوي
مستور العصيمي
جبال ٍ رسى اسماءها هزها كل هزاز***ولا ينفع الرجال كثر المناوي
ترى مابقى واحد من الناس معتاز***قطعنا رجاء اللي يآخذون الرشاوي
حبيب العازمي
ياراعي الحجاز ابشر لك بقيد وحجاز***انا اظنك ذنبك عم كل الشواوي
تجوز الأوادم غير مستور ماجاز*** مصر ٍ على كثر الفتن والعزاوي
مستورالعصيمي
بعير الشواوي داخل الشر وإنحاز**من العام يونس له على الكبد لاوي
نبيها على الذرعان من غير مركاز***حدانا على الدرب العسر ذيب عاوي
خالد الخالدي
08-06-2009, 06:17 PM
العرض العادي
