مانيب ناسي غلاك اللـي لحكمـه خضعـت .!!!

[محمد بن سعود]

السلام عليكم ..



تـواصـل أتمنى أن تحضى على رضاكم و استحسانكم .!

.
.
.

رسولك اللـي يجينـي بالخبـر كـل يـوم=عساه ما ينقطع عني عقـب مـا انقطعـت
أظن لـولاه يرسـل عنـك بعـض العلـوم=يمديني من الغياب اللـي سرقـك انفجعـت
ساعة سمعت الخبر عنك أحسب إني ماقـوم=بيّد عزومي خبرك و هالنـي مـا سمعـت
كنت أحسب إني على الشدّه قـويّ العـزوم=تبيّن العكس و مـع أول مصيبـه جزعـت
غيبتـك لبيـت دعوتهـا و جيـت معـزوم=واستقبلتني وأنا من شوفتـك مـا شبعـت
وينك مسافر بحزنـك يـا خـوي الهمـوم=ضاقت بك ارضك ومن فوق الغيوم إرتفعـت
أخذت فكري معك بيـن السمـا و الغيـوم=ما ارتحت في رحلتك من يوم رحت و رجعت
ظليت صبح و مسا في بحر الاحزان أعـوم=واليا تعمّقت فيه أبطـي وأنـا مـا طلعـت
أمست عليك العيـون الساهـره مـا تنـوم=أسري و تسري عليّه ليلتـي مـا هجعـت
سّريتني في ظلام الليـل مسـرى النجـوم=اللي على نورهـا سقـت القـدم وإندفعـت
رحلت شايل علـيّ مـن المشاريـه كـوم=لو أصنع العذر تلقف شرهتك مـا صنعـت
تراك من كل مـا يطـري عليـك مخـدوم=حتى لو إنـك رضيـت بواقعـك و إقتنعـت
عز الله إنّي على مشهاتك أفطـر و أصـوم=مانيب ناسي غلاك اللـي لحكمـه خضعـت
لو إني أسمـع كـلام العـاذل اللـي يلـوم=في حبك , إن كان من هاك الزمان إمتنعـت
قول إنّ الافراح مثـل العافيـه مـا تـدوم=بس إنتبه لا تقـول مـن الغـرام إنخدعـت
لولاي أصون العوايـد و أحتفـظ بالسلـوم=وأكبح هوى النفس و آقف دونها ما إستطعت
أرضيت نفسي و كثّرت العـدى و الخصـوم=ولا كسبتك و من ثـوب السلـوم إنخلعـت!

لـ / رحيـم الغنامـي

[مغتـــــرب]

لو إنـي أسمـع كـلام العـاذل اللـي يلـوم
في حبك , إن كان من هاك الزمان إمتنعـت
قول إنّ الافـراح مثـل العافيـه مـا تـدوم
بس إنتبه لا تقـول مـن الغـرام إنخدعـت



ياسلام ياسلام


صح لسانك ولسان الشاعر



لاهنت على النقل الرائع



تقبل مروري

[الكحيلا]

مشكوور محمد يعطيك العافيه ع النقل

تقبل مروري

[فلاح بن ملبز]

الله الله الله الله يا محيميد

صح لسانك ولسان شاعرها

أختيار مميز


ولاهنت

["..عـَـذْبـًة الأطْـبـَآآآآع.."]

اختيار جميــــل ,,

لاهنــت يـآمحمــد الله يعطيك العافيــه ,,

[قرناس العازمي]

كنت أحسب إني على الشـدّه قـويّ العـزوم
تبيّن العكس و مـع أول مصيبـه جزعـت

صح السآنك وبارك الله فيــك

[دلع السلاطين]

سّريتني في ظـلام الليـل مسـرى النجـوم
اللي علـى نورهـا سقـت القـدم وإندفعـت

مـ(ح)ـمد بن سعـود

آختيار جميل ورائع جـدآآ

لا عدمنـاك

دلع السلاآآطين

[**عافكـ الخاطر**]

صح لسانك يا محمد بن سعود