أنّي فلا أذكرك من حينٍ لحين=لنّي أنا مأنساك عشان أذكرك ,, رائـــعه

[جطلي بن فهد]

متواضعه اتمنى ان تنال اعجابكم ..

سافر فمان الله ياسمح الجبين =سافر مدام اليوم هو يوم اسفرك
سافر فمان الله واتركني حزين =بيني وبين الحزن قاسم مشترك
سافر فمان الله واسمع كلمتين=مانيب راضي بالسفر ولا أجبرك
سافر و وادعني و لك مني يمين=باللي وسط عيني رفعك وكبرك
أنّي فلا أذكرك من حينٍ لحين=لنّي أنا مأنساك عشان أذكرك
بضم حبك مثل ضمي لليدين=وأحطك فـ عيني وأصونك وأسترك
واكف دمعي لـ انتثر بالراحتين=اخاف لا منه انتثر معه انثرك
من غبت عني ياعفاف الطاهرين=وانا اتحرا الشوق ياتي بخبرك
فـ الصبح اشوفك ياغلاي فـ كل عين=وفـ الليل اضم طيوف حبك واسهرك
واصبحت اعيش الوقت في هـ الحالتين=زي المثل ( اما حبا والا برك )
يانفحة الجوري وعطر الياسمين=غيابك اقفا بـ كل شي ولا ترك..
الا جروحٍ تدمي الجنب المتين=ومع كل جرحٍ لك اشوفه اشكرك
واقول لك يابو الجروح الخضر وين=مافيه عرقٍ من غيابك ما أحترك
ماقدر اعيش بدون وصلك ليلتين=اخسر حياتي كلها ولا اخسرك
مابين حب ولهفه وشوق وحنين=اموت بك من اولك لين اخرك
وانا يصبرني معين الصابرين=اللي على يوم الموادع صبّرك
والا انت وادعني ولك مني يمين=اني لـ اوارا فـ الثرى وانا اذكرك

للشاعر
مطلق بن شويه

[Дήα$тαziα]

ماقدر اعيش بـدون وصلـك ليلتيـن
.........اخسـر حياتـي كلهـا ولا اخسـرك
مابين حب ولهفـه وشـوق وحنيـن
...........اموت بك مـن اولـك ليـن اخـرك
وانـا يصبرنـي معيـن الصابـريـن
........اللي علـى يـوم المـوادع صبّـرك
والا انت وادعني ولـك منـي يميـن
........اني لـاوارا فـالثـرى وانـا اذكـرك


صـــح السانـ / مطلق بن شويه

وتــــسلم يمينكـ علي النقل الرائــــع

تحيـــااتـي لكـ ..

[الكحيلا]

تسلم يمناك على النقل .... قصيده رووعه

تقبل مروري

["..عـَـذْبـًة الأطْـبـَآآآآع.."]

الله ,,

قصيييده روعه ,, لشاعر رائع وناقل اروع ,,,


لاهنت يابو فهـد ,,

[فهيد بن سالم]

جطلي صح لسانك ولسان بن شويه

ويعطيك العافيه على النقل الرائع والجميل ,

ولا هنت

[موادعك خيره..!]

الله الله


عزالله إنها خوش قصيده


الله لايهينك عالنقل الطيب وصح لسان شاعرها