بسم الله الرحمن الرحيم
اقدم شديد اعتذاري على هذا الانقطاع
وهنا اكثر من مئة بيت في سمو سيدي الامير مشعل بن عبدالله بن عبدالعزيز امير منطقة نجران
ومهما قلنا فلن نوفي ولاة امورنا حقهم
صلووو على النبي
يالله يــاعـــلام سـرالـبـديــده
ياللـي تخلـق الخلـق ثــم ٍ تعـيـده
ابـدى باسمـك وانتـهـي بالقصـيـده
واعوذ بك من شـر الانسـان والجـان
مـن بعدهـا ياهـل الشعـر والمنافـق
ياكاتبينـه فـي الخـبـل والمطـافـق
ارائـنــا مابيـنـهـا أي تـوافــق
اقـول شعـر ٍ لـه ادلـه وبـرهـان
يالله انــا نــاوي بشـعـر ٍ يخـلـد
في اللي مهـو بحاجـة قصيـد ٍ يـردد
اصـلا قصيـدي مـن جنابـه تـزود
يزيـد شانـه لامـدح عالـي الـشـان
ابطيت عـن بـدع الشعـر والجزالـه
اللـي تسـد اقصارهـا عـن طوالـه
ولا جابـنـي للسـاحـه الا رسـالـه
عنوانهـا مشعـل امـيـر ٍ لنـجـران
واصبحت ازهـم وانتخـي ياقصيـدي
ثــم الله الله بالـجـزل والـفـريـدي
اللـي عليـه ابـدع ومنـه رصـيـدي
واللـي يجملنـي ليامـن بـدا الشـان
الفـيـت اردد يـاهــلا يـاهـلابـه
اميرنـا راعـي الفـخـر والمهـابـه
شاعـرك حاظـر لـوّ وقتـه غـدابـه
ايردد الك اغلـى القصايـد والالحـان
اقبلـت ياحيـه مجـيـك وممـشـاك
يامرحبابـك مـن مكـانـك لملـفـاك
عد النفـل والعـود والـورد والـراك
اقولهـا عـن كـل يــام ٍ وهـمـدان
ياسيدي مـا امسكـت عنـك القصايـد
لـكـن ليامـنـي نـويـت الفـرايـد
لــزوم اقدمـهـا ســواة القـلايـد
وتزهـى بمدحـك بالقوافـي والاوزان
ما ابطابها عجزٍ بي ولاهـوب تشكيـك
مـا ابطابهـا الا انهـا بـس تبغـيـك
لاقدمت لـك واصبحـت بيـن اياديـك
تكـون راضـي عنّهـا منـت زعـلان
ياسيـدي ماقـد مدحـت أي مخـلـوق
لاشيـخ لاحاكـم ولاشخـص مرمـوق
الا انت لانك فوق مدحـي لـك وفـوق
وتزين مدحي لـك ولـو فيـه نقصـان
حلفت ما امدح من مهـو كفـو للمـدح
مانيب مثل اللي يطبـل علـى الـردح
وان قلت فاقدحها مـن عروقهـا قـدح
شاعر يراودني علـى شعـري جنـان
وان كنـت بمـدح بمـدح اللـي مبـدا
اللـي علـى كـل المـكـارم تـعـدا
ابـن المليـك ابـن المليـك المـفـدى
ابـن ٍ لابـو متعـب بـزي ٍ لسلطـان
ياسيـدي محـدن عطـا المـدح حقـه
مـادام ماهولـك ولا ابــوك شـقـه
رق المديـح اللـي زهـى فيـك رقـه
تستـاهـل ويستاهـلـك ياطلـيـقـان
اقولـهـا قــدام كــل الخلـيـقـه
وتشهـد علـي صبيـان يـام العريقـه
اقـول صـدق ولاهضمـت الحقيـقـه
انـك سليـل المجـد وانـك كحيـلان
انـا ماقولـه فـي مهابيـل واهــلام
ولاهـوب فـي حكـام ٍ تقـاد بخطـام
الا فحـكـام ٍ يـديــرون حـكــام
اخوان نوره واشهد ان عندهـا اخـوان
من يـوم جيـت وكنـك تقـول للـدار
عهد ٍ علـي اصونهـا سـر واجهـار
عهد الوفي المخلـص الصـادق البـار
هـذي امـانـه والامـانـه ماتنـخـان
ياسيـدي مـن يـوم هجسـي حدتنـي
للـمـدح كــن الابجـديـه لفتـنـي
ومحرصتـنـي فـيـك ومحلفـتـنـي
ان كـل حـرف ٍ يمتدحـكـم ببيـتـان
وانـا حـرام اردهـا عــن جنـابـك
مادمـت فـاتـح للمخالـيـق بـابـك
ونظمتهالـك لاجـل تلقـى اعجـابـك
واسمـع غناهـا فــي معالـيّـك الآن
أ / ارحب علـى شحمانهـا والدلالـي
ترحيـبـة ٍ ماقولـوهـا الـرجـالـي
غالي وابن غالـي مـن احفـاد غالـي
يقولهـا قلـب ٍ وينطـق بهـا لـسـان
ب / بيتك ترى ماهوب ذا اللي سكنتـه
بيتـك تـرى بقلـوب شعـب ٍ ملكتـه
يعشقـك يـوم انـك بصدقـك عشقتـه
ويفرش لك مـن الـود ورد ٍ وريحـان
ت / ترى المحبـه لله وشـي مـن الله
وانا ابطلـب شـي وانتـه كفـو ٍ لـه
لاجيـت عنـد ابـوك حـبـه وقـلـه
هذا سلام ٍ لـك مـن معيـض شمـلان
ث / ثوبه بياضه من بيـاض السريـره
ومسيرتـه ياحيـهـا مــن مسـيـره
مسـاوي ٍ شعبـه ومشمـول خـيـره
عادل ومن عدلـه عـدل كـل ميـزان
ج / جعلـه ربـه رحمـة ٍ للمخاليـق
لين استقر وسـط الصـدور المغاليـق
كم فك من كربه وكـم بـل مـن ريـق
وعلى الظلوم اظلم مـن الظلـم مـالان
ح / حبه تعـدا كـل معنـى ومنطـوق
اليـن صـار يـردده كـل مخـلـوق
ويدعي له اللي مـن عبايـره مخنـوق
يالله تجازي راعـي احساننـا احسـان
خ / خواله اهـل الجـود اللـي يعمـر
شيوخ لاهـل الطيـب وشيـوخ شمـر
مايحبـهـم شــارون ولا مـعـمـر
شمـال نجـد وذكرهـم عنـد الالمـان
د / داوى مريض وكفكف دموع ودموع
وجبر خواطر واضحك عيون موجـوع
واصبح لكل الطيب والعـدل موضـوع
واحتـار فيـه الغـرب روم ٍ وطليـان
ذ / ذراه يـذري كـل حايـر ومحتـاج
مـن بعـد ربـي للمساكيـن فــراج
عنده علـى كـل المواضيـع مخـراج
شيـخ وملـك حكيـم زيـزوم بطـران
ر / ربـه يحبـه جعـل ربـه يخليـه
ومن حبه الله شفـت ذا النـاس تغليـه
ياجعـل عينـي مايجـي مايـوم تبكيـه
الله يحفظـه مـن صواديـف الازمـان
ز / زيـزوم ومحنـك شجـاع ٍ وقايـد
فيـه الكـرم والحلـم والعفـو زايــد
راسي مثل ضلع ٍ علـى الارض نايـد
للسلـم سـلـم وللمعـاديـن بـركـان
س / سلام ربـي عـد ماهبـت النـود
عليكم انتـوا ياهـل الطيـب والجـود
انتوا هل العوجاء ذرى كـل مضهـود
للخيـل فرسـان ٍ وللحـرب شجعـان
ش / ششتوا وطوعتوا صعيبات الاخطار
بالسيـف ولا بحنكـةٍ لاهـل الاشـوار
والجـار ثـم الجـار قدرتـوا الجـار
يوم انها ضاقـت وقفتـوا لـه اعـوان
ص / صلتو وجلتو فوق قب الاصايـل
محـدن عليـهـا اهـتـز ولاتمـايـل
مـن شرقهـا للغـرب لحـدود حايـل
يـوم انهـا بالسيـف غالـب وغلبـان
ض / ضديتو اللـي ودهـم بالمضـره
وسريتـو الـلـي ودهــم بالمـسـره
فـر الزمـن ياجاهـل المجـد فــره
فـي صفحـة التاريـخ للعـز نيشـان
ط / طاولتـو بهاماتكـم كـل هـامـه
حتـى فرضتـو للسعـودي احترامـه
فـي كـل دولـه ماينـقـص مقـامـه
عزيـز قـوم ٍ فـي ديـاره ومنصـان
ظ / ظاهركـم يبشـر بكـل البشـايـر
ولاينكشـف بالظـاهـر الا السـرايـر
يفسحكـم الله يـوم نـشـر النشـايـر
الشعب ينعـم مـن رغدكـم وشبعـان
ع / عالجتو كبار المشاكـل بالانصـاف
من دون لاظلـم ٍ ومـن دون إجحـاف
وهذي حقيقـه قـدم الاعيـان تنشـاف
ولا ينكـر الاحسـان ياكـون عميـان
غ / غلاكم اكبـر مـن قصيـد ٍ كتبتـه
لكـنّ جانـي الشعـر يـوم ٍ زهمـتـه
قــال الله الله واتكـلـت وحبـكـتـه
لين استمع له حابـك الشعـر بامعـان
ف / فـدا الوطـن ارواحنـا لاتكـبـر
اللـي عـلـى داره ونـاسـه تجـبـر
نكسـره كسـر ٍ يبـطـي وماتجـبـر
حنا على شـان الوطـن درع وسنـان
ق / قلته وربي شاهـد ٍ فـي كلامـي
مادامنـي مـن سـاس يـام الكرامـي
انحـن علـى عهـد الوفـا للامـامـي
ندوس من شـان الوطـن كـل خـوان
ك / كـلا وكـلا يامحرفـة لكـتـاب
كلابكم بثيـاب تحـت اسـم الارهـاب
الله يعزك وانـت مـن عـز الانسـاب
لاتكترث حنـا علـى الطغـي طغيـان
ل / لايهمك اللي حرفـوا فـي الادلـه
ذولا بلـيـا ديــن وبــدون مـلـه
بعقولهـم مـن خدعـة ابليـس خـلـه
متبريـه منهـم بعـد كــل الاديــان
م / متعلميـن الشـرع علـم ٍ محـرف
متطرفـيـن ٍ سـمـيـو بالـتـطـرف
انردهـم ونمـوت مــوت ٍ يـشـرف
ولايـمـس الــدار ذل ٍ وحـقــران
ن / نارد على حوض المنايا ملاهيـف
مـا للعـدو الا سـيـوف ٍ مراهـيـف
ياقـوم ياقـوم الـبـدع والتخـاريـف
تحـرم عليـكـم دار طيـبـه والاذان
ه / هذا الوطن اللي على ارضه ربينـا
اللـي بنيـنـا كــل مـابـه بيديـنـا
نموت بارضه مثـل مـا احنـا حيينـا
مانرخـص ترابـه ابـد كيـف ماكـان
و / والله مانرضى على الـدار خايـن
حتـى لـو انـه مـن هلـه والمدايـن
واللـي مهـو مصـدق يجينـا يعايـن
غـلاه داخـل كـل عـرق ٍ وشريـان
ي / يالله تعـز الديـن وتعـز الاسـلام
عمادنـا دايـم علـى طـول الاعـوام
وحنا مـع اللـي مايحـرف بالاحكـام
ومتمسـك ٍ بالديـن سـنـه وقــران
هذي الحروف وكل حـرف انصياعـه
كنـه يـردد الـك سـمـع ٍ وطـاعـه
ياسـيـدي ميقافـنـا لــك طمـاعـه
ماهـوب لفـلان ٍ ولاهـو لـعـلااااان
ياسيـدي لــد النـظـر للمـشـارق
وان شفت نور الشمس طاهر وشـارق
تـرى مابينـك انـت ويــاه فــارق
الا انـك انسـان ولا بـأيـة انـسـان
في وجهك الاخـلاص صدقـه وطيبـه
نـور ٍ ينقـي راعـي العيـب عيـبـه
وهـذي حلايـا ابـوك ماهـي غريبـه
حصان وابن حصان خلف لـه حصـان
ياسـيـدي لادق للـحـرب نـاقـوس
حنا لكم عضـود وكفـوف وضـروس
تشوفنا لاجل الوطـن نحـذف الـروس
يامرحبا بالمـوت مـن دون الاوطـان
ابشـر بعـزك لا طغـى كـل غـاوي
حنـا لهـا علـى البـلاوي بــلاوي
نصـول ونجـول بنهـار الـعـزاوي
ونـرز بيرقهـا لـو تطيـح الامـتـان
انصـف صـف ٍ واحـدن مايتمـايـل
شبـاب ٍ وشيبـان حـظـر وقبـايـل
ونردع على شان الوطـن كـل عايـل
ميثاقـنـا إلـيـن نـربـط بالاكـفـان
في ذمتـي مـن قبـل اشوفـك احبـك
محـبـة ٍ منـهـا القصـايـد تهـبـك
اقـولـهـا والله ربـــي وربـــك
مـن دون لازور ٍ ومـن دون بهـتـان
منـت بكريـم انـت الكريـم المكـرم
اللـي علـى كـل الشبهـات حُــرّم
صقـر ٍ ليامنـه علـى الصيـد صـرم
شيهان بس منـت بمثـل كـل شيهـان
كتبـت فيـك مـن القصيـد المصفـى
اللـي عـن هـزال المعانـي يعـفـى
وشفت القصايـد فـي سمـوك تحفـى
وارتحـت وانـا قبلهـا كنـت طمعـان
حلفت ما اكتـب فيـك الا ميـة بيـت
ولقيـت نفسـي زدتهـا يـوم خطّيـت
والمعـذره ياسيـدي كــان زلـيـت
الكامل اللـي معتلـي فـوق الاكـوان
وصـلاة ربـي عـد ماطايـر ٍ طـار
علـى نـبـي الله شفـيـع الابــرار
محمـد ٍ خيـر الخليـقـه والاخـيـار
ويالله بختـمـان القصـيـده بغـفـران
14-08-2009, 08:39 AM
العرض العادي
