اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 23-08-2009, 11:24 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426
حتى القصائد تبكي شهداء الجهراء

القصيدة الاولى



ياهاجسي سجل بيوتن لها يبقى صدى
و ارث الظفير اللي لهم بالوفى صيتن عريق

يالله يارحمان ياللي بك العبد اهتدى
اتجيرمنهو صابته امصيبتن امن الحريق

العبد يالرحمن يدعي ورافع لك يدى
منهم ربوعن لي ومنهم رفيق ولي صديق

من مات وسط النار ياربنا قيل اشهدى
وانت الذي تعلم صدورن بها اهمومن وضيق

ويالله وسع صدر منهو تردى بجهدى
وافتح لهم يالله للخلد بيبان وطريق

اهل البويت الي عطاهم بعيدن بالمدى
جعل السحاب الي غدى له لجيجن مع صفيق

يمطر على الاسلام ويخص منهو بلحدى
وصلاة ربي للنبي عد مايبرق بريق

الشاعر : فالح بن معترم العازمي

رد مع اقتباس
  #2  
قديم 23-08-2009, 11:24 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

القصيدة الثانية

يا ناشد ٍ عن ما تكنّ المحبيّن
مالك عليّه .. غير مالك ومالي

لا تشتبه في وجهة القلب والعين
عيني جنوبيّه .. وقلبي شمالي

و مشاعري ما تنحصر بإتجاهين
وصدري يشيل من الهموم الثقالي

البارحه وين الفرح والهناء وين
الله يكافينـا سهـوم الليالي

قامت على قلبي تحدّ السكاكين
وأحدّ معها ضيقتي وإنفعالي


سلامة الجهراء وأهلها العزيزن
نطاّحة الواجب كرام السبالي

يا نشرة الاخبار جبتي خبر شين
لكنّ روحي بالعلوم وتعالي

حريق خيمة عرس ما بين قوسين
موجز وتفصيله يهدّ الجبالي

شبّت عليهم بعد كانوا سعيدين
وقامت على الاقصى تحط الموالي

حصيلة الموتى من الناس خمسين
نسوان وأطفال وبنات وعيالي

وتجاوز السبعين رقم المصابين
نار ٍ لهبها ما يخليّ توالي

الفاجعه يا كبرها والله يعين
عسى الولي يرحم بنات الرجالي

رحنا نبارك .. مير جينا معزّين
دام البقاء لله .. والعمر بالي

الحزن خيّم في بلاد الميامين
قبل السعادة لا تشدّ الرحالي

حسبي على اللي ما يسنّ القوانين
يا والي أمر الناس ويش أنت والي ؟


الشاعر : سداح العتيبي

رد مع اقتباس
  #3  
قديم 23-08-2009, 11:25 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

القصيدة الثالثة

من ضيقتـي كلّمـت واحـد بمـا دار
والعين فاضـت مـن دواعـي نكدهـا
قال (الفسوق) وقلت وش قلت يا (..ار)
وجنيتـي قـام .. ايتقاطـر زبـدهـا
فجيعـة الظفـران وعيـال الاحــرار
فجيعـة الويـلان وادبــل عـددهـا
بنت الحلال تموت من صالـي النـار!!
ولا عيـون النـاس تأكـل جسـدهـا
جثمانهـا للوقـت عـبـرة وتـذكـار
ماتـت ولا ماتـت لـك الله وحـدهـا
شفت الحيا وشلون في سلـم الاخيـار
تبغـى عبايتهـا .. وخلّـت ولـدهـا
لحظة فرح وانقلبت اضـرار بضـرار
والعاقبـة بالنـاس واخـر جهـدهـا
الحمـدلله مابهـا ذنــب او عــار
هـذا قـدر مكتـوب للـي شهـدهـا
يعظـم الله اجركـم صـار مـا صـار
هـي حالـة الدنيـا وهـذا وعـدهـا





الشاعر : سعد مسهوج العلاطي العنزي

رد مع اقتباس
  #4  
قديم 23-08-2009, 11:26 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

القصيدة الرابعة

يا عيــون الجهـرا هلــي الدمــوع
وانا ببكــي لــك شهيـدات الكويت


الخبر جانــي من الشاشـة سمـوع
قطــع عروقــي وانا منه اكتويـت


الله انــه يرحــم اللــي به فجـوع
وانه يصبــر صويبــي كـل بيــت


اشهد ان الجرح في صدري يلوع
ما يطيب الجـرح لو انــي بكيــت


كم طفل ينتظــر وقــت الرجــوع
في عنـاق امه وصارت عنه ميت


يبغـي امـه بس محـدن لـه سمـوع
ويـــل حالـي لا تلومـوا لا بكيــت



الشاعرة //سلفية عضوة منتدى الظفير

رد مع اقتباس
  #5  
قديم 23-08-2009, 11:29 AM
فلاح بن ملبز فلاح بن ملبز غير متواجد حالياً
 عضو خاص
 
تاريخ التسجيل: Jun 2005
الدولة: برنده على النيل
المشاركات: 41,805

الله يرحمهم ويسكنهم الجنه

وصح السنت الشعراء

وتم نقل موضوعك لمكانه الصحيح

ولاهنت

__________________



*
سبحانك اللهم وبحمدك آشهد آن لا إله إلا آنت آستغفرك وآتوب إليك ..


رد مع اقتباس
  #6  
قديم 23-08-2009, 11:29 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

القصيدة الخامسة

الدمع مازاله سكن وسط العيون ..
والضيق ماله غير صدر الشمالي

يالله يالمــعبــود ياخالــق الكـون ..
ترحـــم ضحـــايا من تـــوفــى توالي

شبت علــيهم نــار والنار تدرون ..
تآكل ولا تشـــبع ولــــكـن ســـؤالي

هل ياتــرى عادي عربنا يموتون ..
من غيـــر قانــونٍ ولا من مبـــالــــي

هذي الحقيقه مو وكالة يقولون ..
رد الخـــــبر عني من أول وتـــــالـــي

ستة من الجاهال ماتوا يصيحون ..
وخمـــس وثـــلاثيـــن العــدد لللموالي


وتسعين حاله حرق يلي تعرفون ..
والي تصيّح وين (بنتــي) و (عيالـــي)؟


كم من عجوزٍ كانت تغنــي لحون ..
وكـــم من بنــات العــرس كانن يلالــي

وكم من طفل نايم بآمانن ومامون ..
جـــــاه اللهــــب خلاه عظمٍ وبالــــي

وأمه تنادي النار بالهون بالهون !! ..
هــذا طفــل مالـــه من أحــدن بــدالي!!

غشاهم الدخان وابليس ملعون ..
وعجيّزن صاحت أنا من بقى لي ؟؟؟؟؟

شيبان تبكي والرجاجيل يبكون ..
وكلٍ يعــــض بغـــتــرتـــه والعـــقالـــــي


صار الجثث من فوق بعضٍ ايتشوون ..
ماعــــاد نعـــرفهــم حـــريم أو رجـالي!!

الجـــهرا صـــارت لافتـــاتن وينعون ..
هـــذيك بنـــت العـــم وذي بنــت خالي!

ياغبنـــتي غبنـــاه دق التـــلافون ..
والكل يعــــزي لــــي قـــريب وغـــالـــي

يا أهل اللغه ماعاد به حرف للنون !! ..
ماتت مــع النســـوان ويــا التـــوالـــــــي!!
القصيدة صوتية هنا>>>http://www.jahrana.com/up/fwaz.zip
الشاعر فواز نايف الكثيري

رد مع اقتباس
  #7  
قديم 23-08-2009, 11:32 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

القصيدة السادسة

عليك يارب العباد المؤمنين الصابرين..
تفرج همومٍ ضيّقت صدري وانا عبدٍ صبور..




ويالله ياربي عسى ترحم عبادٍ مبتلين..
وتقبل شهادتهم بدون حساب في يوم النشور..




ذنبّهم عاشوا بفرحه يحتروها من سنين..
وإبتدا حلم الوصول..ولكن الدرب محفور..




من هِنا تلقى وجيهٍ مابها شيٍّ يبـيــن..
ومن هِنا تلقى بنات ومن هِنا تلقى بزور..




ومن هِنا أمٍ تضم عيالها متفحمين..
يومهم مابه مصدّه كاتبه ربٍ غفــور..




المدامــع بالعيـون ودمعنا ماهو دفيــن..
فالعسر واللين صـفٍ صوتنا صوتٍ جهور..




يد وحده..صف واحد..دم واحد مسلمين..
ضيقتي ماهي وحيده..اللــه يــاكـــم الصدور..




يالله توسع قبرهــم ..يالله يارب معيــن..
واللي بلاهم ياعسى بالقبر مِظلم ومحشـور..




صبّـر الله العيــون من المدامع والونيــن..
والله يعظّم أجركــم يارب وهّـاب الأجــور..
الشاعر::الهاجري في منتديات طلبة وطالبات جامعة الكويت

رد مع اقتباس
  #8  
قديم 23-08-2009, 11:35 AM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426
Red face

اقتباس:
المشاركة الأصلية كتبت بواسطة فلاح بن ملبز مشاهدة المشاركة
الله يرحمهم ويسكنهم الجنه

وصح السنت الشعراء

وتم نقل موضوعك لمكانه الصحيح

ولاهنت
هلابك يا بن ملبز وانا توني جديد

بالشبكه و لا ادري باي قسم مفروض اكتب فيه هالمشاركه

و جزاك الله خير

رد مع اقتباس
  #9  
قديم 24-08-2009, 04:59 AM
**عافكـ الخاطر** **عافكـ الخاطر** غير متواجد حالياً
 عضو فعال
 
تاريخ التسجيل: Aug 2009
الدولة: وســـط قـــلــــبـــكـ
المشاركات: 3,595

الله يرحمهم ويسكنهم الجنه

وصح السنت الشعراء

وتم نقل موضوعك لمكانه الصحيح

ولاهنت

__________________

رد مع اقتباس
  #10  
قديم 24-08-2009, 02:35 PM
حسبي عليك !! حسبي عليك !! غير متواجد حالياً
 عضو نشيط
 
تاريخ التسجيل: Aug 2009
الدولة: بقلبـ مغليني
المشاركات: 426

اقتباس:
المشاركة الأصلية كتبت بواسطة قناص يام مشاهدة المشاركة
الله يرحمهم ويسكنهم الجنه

وصح السنت الشعراء

وتم نقل موضوعك لمكانه الصحيح

ولاهنت


قناص يام اشوفك بكل موضوع تنسخ رد اللي قبلك

مستخسر فيني رد من عندك

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 03:26 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com