الشاعر علي المحيا في حمده لله على سلامة الشيخ ابن جمعه

[ذيب الطانيا]

السلام عليكم ورحمة الله
اثر تعرض اخي وصديقي الشيخ مانع بن عبدالله بن جمعة احد شيوخ العجمان البارزين وله مواقف معهودة ومشهودة معي ومع غيري وسبق "ان نصيته لقيته" ومن ماقلت فيه من القصائد اذكر
اليانوالي مالك العرش توفيق &&&يقووم ابن جمعه ويسمح طريقي
متخيره من محتمين المساويق && عجمي وعده ولد عمن شقيقي
ومن قصيدة اخرى
مالي بنجد الغاليه كود رجال && & مانع ولاعذرب عيال الحمايل
ومنها البيت المشهوور
لاصارت الجنة تصريف الانذال && & دورت في وادي جهنم بدايل
اعتذر عن الاطالة والى القصيدة التالية
يقول علي المحيا
تكتني العبرة مساء ليل الاثنين &&& والهجس والهاجوس ينهج وياتي
شفت العزيز ودار بالبال ثنتين &&& حزن وامل تواجهن وسط ذاتي
الشيخ شفته مار مابيدنا شين &&& غير الدعا يالله تجيب دعواتي
اخو خويه ساعة الكرب واللين &&& يالله تكتبله ثواب ونجاتي
ياما عطاني شي واعطيته شوين &&& اموت ماوفي معه واجباتي
شايب ومن شيبان نجد المسمين &&& من كوكب الشيمات والطايلاتي
ارسى من جبال الرعيلة وحمرين &&& واشد وابلغ من رفيق الزناتي
ما قاله ابو زيد شفناه بالعين &&& وما قاله الحربي لقيته ثباتي
ماهي سواليف تعود بلاشين &&& في مانع الجمعة تجي مفرداتي
ماجور ياتالي الرجال الحشيمين &&& فيك البقى وانا لحقت امنياتي
والله ماسوى عند شمر ريالين &&& كان الوفا ماهو صفة من صفاتي

احب انوه في البيت الثامن عن ماقاله "ابوزيد" يقول
لاخاب ظنك بالرفيق الموالي &&& ما لك مشاريه على نايد الناس

والحربي يقوول
ياحمود يظهرلك صديق من القوم &&& يظهرلك من الربع الموالين عدوان
تقبلوا تحيات الشاعر علي المحيا