|
محاورة شعرية بين الشاعر( مصلح بن عياد الشلوي)( والشاعر عبدالله بن عتقان
بسم الله الرحمن الرحيم
محاورة شعرية بين الشاعر الكبيرالمخضرم مصلح بن عياد الشلوي والشاعر المتالق عبدالله بن عتقان
اتمناء ان تحوز على رضاكم:
مـــصـــلـــح بـــــــــن عـــــيـــــاد
مرحبا في حلةٍ ضيفهـا يلقـاء غـلاه=لو مكانه داخل العين ماضاقـت منـه
قالها اللي مايزعل ضيوفـه وزمـلاه=والعقل نعمه من الله على مـن ثمنـه
عــــبـــــدالله بـــــــــن عـــتـــقـــان
البقا والله يعز القصـر واللـي حمـاه=الكريم بدلتـه والمراحـب وصحنـه
ياحليل اللي مع الناس عالـي مستـواه=مايحـب الميسـره مشيتـه فالميمنـه
مـــصـــلـــح بـــــــــن عـــــيـــــاد
ياولدعتقان جو العـرب غيـم سمـاه=والرحى شـيٍ تكبـه وشـيٍ تطحنـه
من هو اللي يعرف العلم وجهه من قفاه=وأستحي من لحيته يوم وأضحك له سنه
عــــبـــــدالله بـــــــــن عـــتـــقـــان
السماء صافي لكن المشاكـل بالرحـاه=والمشاكل ماهي اليوم يعنـي مزمنـه؟
الشجيع ليا مشى مايبـا يرجـع وراه=والضعيف ليا لقيلـه شجيـعٍ يزبنـه
مـــصـــلـــح بـــــــــن عـــــيـــــاد
ياطبيب الجرح منته خبيـرٍ فـي دواه=وأنت في دفترك مليون سيـه وحسنـه
ياجبل ورقان مأهتز منك ولا حصـاه=سير مضمونٍ حسابه وسيـرٍ ندهنـه
عــــبـــــدالله بـــــــــن عـــتـــقـــان
أسلمي ماتقبله لو ماشـي فـي سـراه=وشلوي وألا عـلاوه سريـع أتعينـه
البلكه والحجر تختلـف عنـد البنـاه=الحجر صعب الكسـر والبلكـه هينـه
مـــصـــلـــح بـــــــــن عـــــيـــــاد
العلاوه قصري اللي جنوبي في ذراه=وأنت قصرٍ فيه بابٍ خطيرٍ مضمنه
خفف السرعه ليا شفت ضلعان السراه=لين تبني لك قصر بالسراه وتسكنه
عــــبـــــدالله بـــــــــن عـــتـــقـــان
هيه يامصلح تجيك العلوم من الـرواه=والله إنـا مامشينـا بـذل ومسكـنـه
لا توصيني وأنا أبوي معطيني وصاه=ماطلبت الغالـي إلا وأنـا قـد أثمنـه
مـــصـــلـــح بـــــــــن عـــــيـــــاد
أدخل المسجد ليا قـال حيـا للصـلاه=وأضبط التوقيت وأحفر لسرك وأدفنـه
لا تعاين فوق وجهك على كـم العبـاه=لا تحنحن صاحبك مايحـب الحنحنـه
عــــبـــــدالله بـــــــــن عـــتـــقـــان
ماتركنا فرض ربي ولا حنا عصـاه=خاف ربك وأعرف أسليم والظن أحسنه
ياولد عياد ذيب الفـلا يجـزي عـواه=لا تدندن صاحبـك مايحـب الدندنـه
مـــصـــلـــح بـــــــــن عـــــيـــــاد
جابك المقسوم بين الرياجيل الده=اهوالرياجيل الدواهي قلـوبٍ واللسنـه
ياولد عتقان مـن دور الغالـي لقـاه=كان تملك لك ذهب فالموازين أوزنـه
عــــبـــــدالله بـــــــــن عـــتـــقـــان
مالقيت إلا حبيب ومصلـح ماعلاه=ـمثلنا منتـم سلاطيـن وإبليـس العنـه
__________________
__________________
سـلام يامـن جابنـا رسمـه ونبـه**على سلومٍ سايره بين العرب
من الشـلاوى اللي لهم عاده وشبه**كير الحرايب يوم نيرانه تشب
احزامنا شغل النيامس وام حبه**ومسلبن فيماننا يقضي الطلب
كم شيخ قومٍٍ في ملاقنا نذبه** بالمرهفات اللي تذب الروس ذبّ
راس يناصبنا وراس ننتصبّه** والراس الأنصب كل ماطِق أنتصب
|
18-01-2005, 10:48 PM
العرض العادي
