اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 27-01-2005, 08:14 PM
محمد أبو زيد محمد أبو زيد غير متواجد حالياً
 عضو فعال
 
تاريخ التسجيل: Sep 2004
الدولة: الواقـــــع
المشاركات: 1,133
## قصيده لأحمد الناصر الشايع ##

قصيده مختاره ... (( مرثيّــه )) ... لأحمد الناصر الشايع

عسى أيامنا وأيامكم أفراح وأعياد ..





نهار ثالث عقب عيد إرمضاني = ناسٍ عطاها الله وناس امحرومه



أحدٍ قضى عيده سلام وتهاني ؟ = وأحدٍ توصّله الكواكب همومه



صادفت صدفه من صدوف الزماني = منها قويّ الحيل تفتر عزومه



هذا زمان الهم والإمتحاني = وقتٍ على قلبي تعاقب سهومه



الأوله كامل جميع المعاني = مزبّن المضيوم شرع الخصومه



محمد اللي فالقسى واللياني = عقبه سمايه غايباتٍ نجومه



والثانيه بأقرب قريبٍ وداني = خامس عيالي ؟ يوم جتني علومه



قالوا : مابين (الخاصر) و(حلباني) = ولدك مات !! اللي ترجّى قدومه



جاء يومه الموعود بأربع ثواني = قلت السبب ؟؟ قالوا دنا منه يومه



علمٍ على الكبد الصخيفه كواني = كيّة عطب ماتنشكى للحكومه



تهشّمت كل الضلوع المحاني = مفجوع ؟ والمفجوع محدٍ يلومه



وأخذت لي ساعه وأنا في مكاني = حسبت لي (عشرين) طيحه ؟ وقومه



وإليا بغيت الهرج ييبس لساني = والذاكره عندي تقول امعدومه ؟



قمت أتلفت ! وأتسمّع بأذاني = من شاف حالي ماتهنّى بنومه



من مابقلبي رحت بالليّل عاني = للموتر اللي مابقى الا رسومه



عن روحتي ؟ ياليت ربي نهاني = ولاشفت دمّه سايحٍ في هدومه



قمت ودفنته والله المستعاني = في خرقةٍ بيضا عليه امحزومه



يمّ القويعيّه بلاد اقحطاني = والحر غيّر لون وجهي سمومه



وأقفيت من عنده وعشري ؟ ثماني = مثل المصبّح والبلاد امحكومه



والله لو الا إني وسيع البطاني ؟ = لاصكّها مثل اشقر الريش حومه



طاوعت نفسي ؟ مير عقلي قواني = عن الخطا مافيه نفس امعصومه


وسلمتـــــــــــــــــــــــوووا

__________________


الزمن ماهو رفيقٍ لي ولا إبن عمّي = يعني المصفوط لايمكن يجي من صوبه

أتحرّى منّه الفجعه .. وفورة دمّي = ويتفاجأ منّي بصبرٍ وسـاع دروبه

رد مع اقتباس
  #2  
قديم 27-01-2005, 08:36 PM
مـحمـد مـحمـد غير متواجد حالياً
 عضو خاص
 
تاريخ التسجيل: Feb 2004
المشاركات: 17,249

صح لسانك ولسانه شاعر كبير باسمه وشعره

بس المرثيه في من؟

ولاهنت ياشديد الباس على اختيارك للذوق الرفيع

__________________
ليسـت هنـاك وسـادة أنعـم من ضميـر المستريـح

رد مع اقتباس
  #3  
قديم 27-01-2005, 10:28 PM
Sha3ree Sha3ree غير متواجد حالياً
 عضو نشيط
 
تاريخ التسجيل: Apr 2004
الدولة: أرض الله الواسعه
المشاركات: 356

صح الله لساانك ياشديد ابن باس ابن وسيع الصدر ولااااهنت

اقسم لك بالله قريتها ثلاث مرات وخنقتني العبره


تعمق في كل بيت وشوف شنو ردة فعلك

على العموم عسا الله يغفر له ويرحمه ويغفر لاموات المسلمين أجمعين


فمان الله

رد مع اقتباس
  #4  
قديم 27-01-2005, 11:46 PM
السنـــــافية السنـــــافية غير متواجد حالياً
 عضو خاص
 
تاريخ التسجيل: Mar 2004
الدولة: فى معزلن عن جميع الخلق وازعاجه
المشاركات: 6,957

صـــــــح لســــــــانك

ويعطيك العافيه على الاختيار الحلو

__________________

رد مع اقتباس
  #5  
قديم 28-01-2005, 12:45 AM
عـزام عـزام غير متواجد حالياً
 عضو خاص
 
تاريخ التسجيل: Apr 2004
المشاركات: 6,240


تهشّمت كـل الضلـوع المحانـي=مفجوع ؟ والمفجوع محـدٍ يلومـه


لعنبو اللى يلومه فى ولده

اختيار رائع يا شديد الباس

وصح الله لسان الشاعر الكبير احمد الناصر والسانك يالقر م

__________________


إذا المـرء لا يرعـاك إلا تكلـفـاً=فدعـه ولا تكثـر عليـه التأسـفـا

ففي الناس أبدال وفي الترك راحـة=وفي القلب صبر للحبيب ولـو جفـا

فما كل مـن تهـواه يهـواك قلبـه=ولا كل من صافيته لـك قـد صفـا
سلام على الدنيا إذا لم يكن بها صديق=صـدوق صـادق الوعـد منصـفـا

رد مع اقتباس
  #6  
قديم 28-01-2005, 04:39 PM
غرنوووق غرنوووق غير متواجد حالياً
 عضو نشيط
 
تاريخ التسجيل: Dec 2004
المشاركات: 328

تسسسسسسسسسلم شديد الباس

الله يرحم مواتنا وموت المسلمين ويربط على قلوب والديهم

__________________

رد مع اقتباس
  #7  
قديم 28-01-2005, 05:52 PM
عيد بن شدقان عيد بن شدقان غير متواجد حالياً
 عضو خاص
 
تاريخ التسجيل: Feb 2004
الدولة: الـــــــكويت
المشاركات: 7,999

الله يرحم اموات المسلمين


شديد الباس
صح السانك والسان احمد الناصر
ولاهنت
اختيار رائع

رد مع اقتباس
  #8  
قديم 29-01-2005, 01:25 AM
sohab sohab غير متواجد حالياً
 عضو فعال
 
تاريخ التسجيل: Feb 2004
المشاركات: 3,168

السلام عليكم ورحمة الله وبركاته


لك كل الشكر على نقل هذه القصيده الصادقه والخارجه من ( المعلوق )

مشاعر تتوقد بالحزن والاسى تصف المشهد بثبات .. وتفصيل فى قالب شعرى

امتزج بين الواقع الحقيقى ومشاعر الاب والشاعر الفحل احمد الناصر

رحم الله محمد ورزق والده الصبر والسلوان.....

ولك اطيب تحياتى

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 05:18 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com