الزواج

[صافي المشاعر]

لـي حرمـةٍ قـد شيبتنـي وأنـا شـاب
دكتـورةٍ فـي علـم الانكـاد والـهـوش

متخرجـه مـن جامعـة دايـم عـتـاب
مـع زمالـة جامـعـات ام خـربـوش

خطبتها عـن سابـق إصـرار وإعجـاب
شفـت العيـون السودوالكـف منـقـوش

كانـت تحاكينـي بهمسـات الاهــداب
اظنهـا طرشـي تربـى مـع طــروش

وإليا اضحكت .. يادوووب يبدي لي الناب
وإليا مشت بس حوش ياصاحبـي حـوش

غرتنـي البسمـه وتـاريـخ الانـسـاب
وقلت هذي خوش يـا صاحبـي خـوش

لَكِنّْ يوم أعرسـت غـاب الونـس غـاب
أصبحت يا كـارش أو اكـون مكـروش

هاك الملاك اللـي عرفـت انقلـب داب
في وقتها قـدّرت كـم كنـت مغشـوش

إن كنت صادق .. قالت : إلا أنت كـذاب
وإن كنت رايق .. قالت : إلا أنت مربوش

وإن قلت : نخرج .. قالت : الجو ما طاب
وإن قلت : نجلس .. قالت : الجو بالحوش

بالعكس تمشي .. بـس تسعـى للانشـاب
تفتـرّْ للفتـنـه كـمـا فــرّة الـبـوش

في البيـت عايـش دايـمٍ عيـش عـزاب
الفرش رايـح كـوم والجـدر مقـروش

كـل يـوم ناكـل رز مجـروش بنجـاب
وإن غيّرت .. لو غيّرت رز مجروش !!

صاحت وجبت لهـا خـدم شلـة أجنـاب
شلة مـن الجـاوه وشلـه مـن حبـوش

واتفرغت لـي كـل مـا اقبلـت بالبـاب
استقبلتنـي كنـهـا " فـايـز الـتـوش "

من؟..كيف؟..هل؟..ماذا ؟ وعجّل بالاسباب
وأنا كمـا المدمـوغ واقـف ومدهـوش

قبـل اتـزوج كنـت ارا رشـة أطيـاب
واليوم أراها مثل " أبو فـاس " مرشـوش

شايف غوريـلا مـا بهـا شـي جـذاب
الشعـر متعكـرش وسلكـي ومنـفـوش

خبيـرةٍ فـي فـن تنظـيـم الارهــاب
وأنـا دخيـل الامـن لا اروح مطشـوش

لو غبت لا تقولون " مرعي " ورا غاب ؟‍
أنـا تَحَـت هـاك الغوريـلا ومكفـوش

[فراس الفارس]

عندك حلين لا ثالث لهم

الاول انك تطلقها

والثانب انك تذبحها

يعنب ماهي صعبه ؟؟؟؟؟؟؟؟؟؟؟؟؟؟؟؟