قصيده على سلامة ولي العهد الامير سلطان بن عبدالعزيز

[زياد الشطيطي]

الا يا حرف ياللي لا كتبتك في حمى التفكير = تبا تبقى على مر العصور بكل حريه

أنا الكسبان وأنته كاسب وهاذي بلا تفسير = لو انا نختلف يبقى اتفاقي معك في ذيه

لأني بذكر اسمٍ منقرن فيه السعد والخير = الا يا حظ من سمي عليه بحزة الجيه

أبو خالد زمام المرجله واللي يصير يصير = ليا نادى المنادي يندر اللي باللقى زيه

هذا سلطان ! سلطان الوفا والطيب والتقدير = يخبّرك اليتيم اللي زمانه ملحقه كيه

على طيبه سمع فيه الاصم وقدّم التقرير = مضامين الكلام اللي يقوله شكر وتحيه

وعلى طيبه ضرير العين شافه والدموع تسير = على خده بحبر الدمع تكتب كل ما فيه

يخبّرك المعاق اللي بلا قوّه ولا تدبير = على عطفه بنا الاحلام مربوعه ومثنيه

يحير الشاعر الموهوب وحروف القصيد تحير = توقف عاجزه واسباب عجز القاف مخفيه

أنا مدري يجوز ان السبايب خونة التعبير = وأقول أحيان من قلة حروفك يالهجائيه

ملكت قلوب شعبك لين صار إلك الفواد أسير = يا سلطان القلوب اللي بحبك ما اخلفت نيه

على دعوى اليتاما والارامل فالضحى وعصير = تناقللنا بشاير شوفتك بأرض السعوديه

معارفيك على عودٍ تولاه الزمن وصغير = ومشاريعك بلدنا صار بالاجمال خيريه

ما دام العيد معناه الفرح والحمد والتكبير = اجل ما كل عيدٍ صار سمي فطر وضحيه

أنا اقول ان شوفك عيد يذبح به طلي وبعير = وانا اقول ان ليله جابتك بالخير مرويه

[(سعد بن محمد)]

صح السانك ولاهنت

[سلمان بن ضيدان]

اررررررررررحب يابو صااالح

والله اني استانس لا شفت اسمك هنا بالمنتدى .،

والقصيده قمه وصح لسانك وابو خالد يستاهل اكثر والله يقدرنا نوفي حقه

تقبل خااالص تحياتي .،

[محمد بن صبحان]

يستاهل ولي العهد سلطان الخير والحب ولاخلاص!

تعجز الكلمات عن وفى حقه ومكانته!

صح الله لسانك طال عمرك!

[جابر بن عبدالله الفايز]

صح ألسانك ,,,

ويستاهل المدح بو خالد ,,,

ولاهنت ,,,

[ﺂلـِ͡ـِبطْـِرﺂڼ ̸~]

صح لسآنك



وجعلهآ سلآمتن تآمه للآمير سلطآن الخير



ولآهنت.

[جراح بن حجاب الحيان]

صح السانك طال عمرك والأمير : سلطان يستاهل



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,

لك الحمد يارب السمـاء الباسـط القيـوم


تقسّـم لنـا الأرزاق ونفوسـنـا طمـعـه


ولك الفضل في تكبيرنا عنـد روس القـوم


نعبدك ,,, ونسجد لك ,, لو ديارنا صمعـه


ولك الحمد ,, يوم أنه شفى الغالي المحشوم


ولي عهد جارتنـا البطـل طيّـب السمعـه


ولي العهد سلطـان جعـل يحيـا ويـدوم


وصلنـي خبـر طيارتـه تاصـل الجمعـه


حسبت الفراق اليوم له حـول عـام ويـوم


عسى ياصـل معافـى والأجـواد مجتمعـه


صدوق الوعد سلطان يـوم العلـوم علـوم


يسوق المراجـل سـوق ماجابهـا رمعـه


معه طير شلـوى والله أن القـروم قـروم


أمير الريـاض وباقـي النـاس مستمعـه


مرافق أخوه وطير شلـوى قـوي عـزوم


تغني الرياض وتضحـك وتظهـر الدمعـه


وأغادير عقبك قـام فيهـا الغـراب يحـوم


طفـى نارهـا ونجومهـا مالـهـا لمـعـه


ومن جاك متعني بقصـرك ماهـو منجـوم


له الفخر ياصل قصـرك ويكفـي الجمعـه


يمينـك كفيلـه لليتامـا مــع المـحـروم


وحتى العطايـا مـن يمينـك لهـا سمعـه


خويّك معك محشـوم وأذا رحـل محشـوم


وعـدوك يـذوق الويـل والـذل والقمعـه


ياسلطـان بـن عبدالعزيـز تحيـا وتـدوم


وشوفتك بعيـون النشامـا هـي الطمعـه

[فلاح بن سويري]

صح لسانك

ولاهنت