إعشقينـي فـ.. المفـارق والـوصـال
وافرحي فـي جيتـي .. و ( الله كريـم )
لا تخليـن الـحـزن يلـقـى مـجـال
دام لـك عاشـق و فـي حبـك يهـيـم
كل ما قالوا : غلا .. قولـي : ( طـلال )
كل ما قالوا : ندم .. قولـي : ( نديـم )
ولو يضيق الصـدر قولـي لـي : تعـال
و ابتهـج واخــاوي اللـيـل العتـيـم
والعـيـون تـلـد و تخـيـل الخـيـال
والهوى مسـراي .! والأشـواق ديـم .!
الـغـلا يبـقـى كــذا .. دام اللـيـال
تحشـم العشـاق والعشـق الحشـيـم
والا انا ..! بـ.. أبقى على كـل احتمـال
أرسـم البسمـه علـى شفـاه اليتـيـم
لا نسيـت الضحـك والا الدمـع ســال
بأذكـرك .. لا هـب ذعـذاع النسـيـم
وأعترض درب الهبايـب .. مـن شمـال
ليـن امكنهـا .. و تكمـن فالصمـيـم
وأبتسـم وأقـول : لـو الحـظ مــال
يكفي .. اني عشت لي ( ماضي حميم ) .!
الفـرح ..! عـزم علـى شـد الرحـال
ادري انه من لفـى .. ماهـو مقيـم .!
05-01-2010, 05:05 AM
[قــــــولي طـــلال ..!]
العرض العادي
