صدفة وانا في سوق حي السويـدي
=دالـه وقلبـي مايعـرف الغرامـي
صادفت من شكلـه بجيلـه فريـدي
=غرو(ن)على وجهه رقيـق اللثامـي
قلت السلام وشـوق قلبـي يزيـدي
=وصدت وقلت ارجوش رد السلامي
قالت سلامك يابن الاجـواد ميـدي
=قلـت الله الله ياجميـل القـوامـي
قالت دخيلـك روح عنـي بعيـدي
=قلت العفو مااقـدر تزايـد هيامـي
قالت ماتفهـم قلـت قلبـي بليـدي
=ودمي ثقيل(ن) مـن بدايـة فطامـي
قالت توكـل قلـت تكفيـن عيـدي
=قالت حشى مابـك ادب واحترامـي
قلت اسمحيلي ذاب منـش وريـدي
=قالت عسـى عينـك بعـد ماتنامـي
قلت ارحمي قالت خفوقـي حديـدي
=قلـت الله يعينـك بذنمبـي واثامـي
قالت تـرى ربـي عقابـه شديـدي
=قلت اشكر الله ما وطيت الحرامـي
قالت اجل وش انت منـي تريـدي
=قلت الهدف شوفك هواي ومرامـي
قالت وغيره قلـت هرج(ن)مفيـدي
=قالت وغيره وش تبـي ياالحرامـي
قلت اتمنـى لمـس اياديـك بيـدي
=في ليلة(ن) غطى الجبال الظلامـي
قالت وغيره قـول كمـل ياسيـدي
=واصـل كلامـك لايهمـك ملامـي
قلـت الهـوى راعيـه مايستفيـدي
=مادام مايشـرب اذا صـار ضامـي
قالت نعـم هـذا الكـلام الاكيـدي
=لوانـه اتعبنـي وحطـم عظـامـي
هذا ابرك الساعات واليـوم عيـدي
=واناهويـتـك يارفـيـع المقـامـي
راسي خضع لك عقب ماهو عنيـدي
=وانشهـد ان الطـق فـك اللحامـي
قلت ارجو أني وسط قلبك وحيـدي
=قالت ما اعرف الاانت ياابن الكرامي
قلت احلفي باللـي علينـا شهيـدي
=اللي فرض حج وصـلاة وصيامـي
قالت قسم بسـم العظيـم المجيـدي
=اني فلا اعرف قبل اعرفك اسلامـي
اخذ الصراحه دون كذب وجحيـدي
=وعطني الحقيقة بالوفـاء والتمامـي
قل لي وش اسمك قلت علي الفهيدي
=مـري انـا يابنـت مـري ويامـي
من لابة(ن) لاجاء النهار الشديـدي
=يردون حوض الموت ورد الضوامي
كم جندلو من شيـخ قـوم وعقيـدي
=لاقيـل رده عنـد سـود الجهامـي
بفعالنـا تشهـد شيـوخ وعبـيـدي
=ويدرون كل الناس شرق (ن) وشامي
قالت صحيح وقلت هـذا الوكيـدي
=قالـت تشرفنـا وعاشـت لسامـي
للشاعر علي ال جوزاء
21-02-2005, 12:29 PM
العرض العادي
