من القديم .. أتمنى أن تحوز على رضاكم ..
جاتني والبعد ماني حاسب ٍ له=قالت أثمن شي في الحب الكرامة
لي متى يغريك دمعي اللي أهله = لي متى قلبك يوجه لي سهامه
ولي متى طيفك يضللني بضله = في خيالي صاير ٍ مثل الغمامة
ولي متى سيفك على جرحي تسلٌه = ما خبرت العاشق يجرد حسامه
قلبك اللي صد عن من جاه كله = والله إن يجرع علي كأس الندامة
دام حبك عقب ما ثبت محله = في مرابع خافقي هدم خيامه
شدت ضعونه وعاف ديار خله = وعششت في دارس رسومه حمامة
تبكي الحب اللي أيبس قبل حله = حبنا اللي ما أهتنينا في تمامه
حبنا اللي كانت نجومه مطله = أنقتل بإيدك ووارينا عضامه
بإختصار!! أقولها وأشكي على الله = ليل فرقانا بدأ ينشر ظلامه
ورحلت والقلب في يدها تتله = تل دلو ٍ في يد اللي القيض ضامه
خلفت في خافقي مليون عله = ما عطت له فرصة ٍ يبدأ كلامه
واللي أوجع قلبي وسلٌه وعلٌه = كلمتين ٍ عرضتني للملامة
يوم قالت حبك بقلبي محله = ما كرهتك بس أنا عندي كرامة
وسلامتكم ...
جابر بن صغير بن قادرة
04-04-2010, 04:12 PM
العرض الشجري