الله يعطيك العافيه يـ ناصر العسكر
والقصيده التي ذكرت هي لـ العقيد والفارس : مطلق بن دعمان ال خويطر
وهي مراده مع ولده - منصور ونسلهم انقطع الله يرحمهم ويسكنهم الجنه
ولكنها انتشرت انها لـ شالح بن هدلان كونها مذكوره في كتاب السديري ولتشابها مع قصيدة شالح : " ياذيب انا بوصيك لاتاكل الذيب- كم ليلة عشاك عقب المجاعه "
واما قصيدة بن دعمان فقال فيها :
منصور انا بوصيك فى منسب الطيب = لا تاخذ الا مـن بيـوت الشجاعـه
ياتى ولدهـا مـذرب كنـه الذيـب = سعـد لبـوه وكـل ماقـال طاعـه
بنت الردى ياتى ولدها كمـا الهيـب = غبن لبـوه وفاشلـه فـى الجماعـه
ان شبع بطنه راح صوب اللواعيـب = وان جاع بطنه شيف فيـه الدباغـه
فرد عليه ابنه منصور. قال:
يابـوى ماهويـت بيـض الرعابيـب = مـدرى بخـت او صايبتنـى قلاعـه
مهـاوى ربـع علـى فطـرن شيـب = وكـم منهـل نـرده تهـاوى سباعـه
يامـا حديناهـم بضنـك المحانـيـب = ماحن ندارى كسرهـا مـن ضلاعـه
وياما جدعنا عندهـا مـن الاساليـب = وراع الوعـد منـا صبـى الوداعـه
واضوى على الحامى وحومت الاطانيب = لامـن رمـا زيـن الوسايـد قناعـه
اضوى عليهـم كنهـم لـى معازيـب = واطلـق مهاويـت الجمـل بندفاعـه
وسلامتك والمعذره على الاطاله
07-05-2010, 03:08 PM
العرض الشجري