سوال لمن لديه معلومة ( الـشـيـب )

[عيـاد]

الشيب وأنا أخيك على عرفي المتواضع انه مثل ماقالوا الأخوان الذيب العود والتتفلي هو الذيب الصغير

ومن ناحية التزواج بين الذيب والضبعه فهالشي ما قد سمعت عنه ولا أضنه صحيح ولو كان ممكن كان شفنا شكل غريب بالديار الي مليانه ذيابه وضباع مثل ما نشوف دايم بعض فصايل الكلاب وانت بكرامه قريب شكلها للذيب وهالشي معروف انه السلقه ممكن تجعر وانت بكرامه ويجيها الذيب ومشيوف كثير من الكلاب شكلها قريب للذيب

وان دققنا للصورة لقينا آخر الظهر والراس واليدين قريبه للضبعه وكنها بين عيوني قد صلختها قبل ست شهور لكن ان جيت للرقبه فهي طويلة وغريبه واللون مثل ماهو لم لون الضبع والله العالم مقدر افيدك بالأكيد لان ماعندي عرف اكيد بالي بالصورة