<<قصـــائـد ملغـــومـه >> ..............(( لشاعر الكبير : حمود البغيلي ))

[متعب العازمي]

<< مجلس وحكومه >>




لا مجلس الامـه قدر يخترع شي



ولا الحــكومه قـادره للحـــكومه



ألهتــهم الـدنيا وتـاهـوا مـع الغي



كـل على الدينار يحـسب همومه



وين الضمير الحي والعاقل الحي



اللي يحــل المشــكله والخصومه



وين الكويت اللي قبل شمسها فيِّ



وين القـلوب الطــيبه والرحــومه



صار التخلف يطوي احوالنا طي



مــن يملك الابداع تقتل اعزومه




<< حمامه >>




خــلوهــا جــنه لا تخــلونـــها نـــــار



خــلو حــمام الســــلم فـيها يغــــــني



خلوها ورد وحب واخلاص واعمار



حتـــى يكـــون القلـب فيــها متهنــي




<< المدرسه >>




غــاب الوكـيل وناظر المدرسه غاب



وابتلشــوا الطـــلاب فــي مــدرستهم



صارت حصصهم كلها حصة ألعاب



واســتاذة عــــلم ((العوايد)) نستـــهم




<< مكياج >>




حفظت لك ودك وقدرك على الراس



وحــبك بقلـــبي مــاصبغته بمــكياج



تشــوفني بعيـــونك اغنى مـن الناس



مــاتـدري اني خــالي الجيب محتاج




<< نظاره >>




ياصــاحبي ليـــه نفــسك دوم جــــــباره



وتصــدعـنا اذا قـــلنـــــا لك شــــــلونك



ان كــان شــوفك ضـعف نعطيك نظاره



وان كان صابك عمى حنا ترى اعيونك




<< غرور >>




غــرتــك دنيـــاك والمـال الكثير



تحسب ان الناس من تحتك خدم



ينلــعن حـــظ رفــع قـدر الحقير



وينـرجم بيت علــى الـذل انهدم




<< عيال >>




طـالع اعيالك حــالهم صــار وشــلون



من كثر بخلك شوف وشلون وصخين


لــو مــا رصــيدك داخـل البنك مليون



قــلنا الله ابعــون الفقـــــارا المسـاكين




<< غليون >>




حـطيت بالكف غليونك



ولبست بــدله افــرنجيه



وغيرت فالبودره لونك



وتلفـظ عــبارات غـربيه



الشر طالع مـن عيونك



على الاراضي الكويتيه




<< مدارس >>




لـو للنفــاق الاجــتماعي مــدرسه



شـفت الجـــماعه كلهم مستــعدين



اكسلهم اللي صــار للمال حراس



واشطرهم اللي يسرقون الملايين




<< اصاله >>




محــبوبتي تلبس مـن الحـسن نفنوف



مــاتلبســه بـوســي وفـــاتن حـــمامه



محــبوبتي حــصه ومحـبوبتي نوف



مــاهمـها المســرح وراغــب علامه



ولا يوسف مهنا ولا جورج وسوف



يلغـــي ابـو زيـد الهــــلالي ســلامه




<< عيادة >>




ان جـيت دكتور الحكومه مراجع



وشافك مريض وعلتك في زياده



يقــولك حتـــى تطيب المـــواجع



تعـــال بكـــره مـرني في العياده




<< مليون >>




لا وحـــلالها يا المـــــليون



اللي عــن النـــاس يغنيــني



وقصــر مشيد على القانون



ماهــو معمر مـــن الدينـي




<< افلاس >>




افلس من هذي وقوعت في ذيج



وانهان عمرك بين هذي وهـذي



عمر الدجاجه ماتكبر على الديج



ياشايقن نفسك قمر وانت شاذي




<< قالوا >>




ان صـرت طيب قالوا الناس مسكين



وان صرت مجرم قالوا الناس سفاح



واذا ســرقت مـن الخـــزينه مـلايين



خلوك فوق الراس واصبحت مرتاح




<< كوابيس>>




امقــابلك هــم وعــذاب وكــوابيس



من شاف وجهك مايشوف السعاده



نامت على خدك جميع التضاريس



وعندك تضخم مـزدوج في البلاده



حتـــى بليس يقـــول هـذا هو بليس



ومنــك تبرت كـــل دور العـــباده




<< عمر >>




عمري وصل هالحين واحد وسبعين



ولا ورى السبعـــين غــير البــلاوي



مـن عقب مـانـي تاجر طحت بالدين



وكثرت علــى راسي كبار الدعاوي




<< فكره >>




فكــرت مــره اسرق البنك واعتاش



وصمـمت مــن قلــبي انفذ قــراري



وجهزت نفسي في مسدس ورشاش



ثـم استــعديت إل جميـــع الطـواري



لكن قبل لا اســـرق البنك وانحـاش



احتـرت بين المـركزي والتجـــاري




<< هذا انت >>




هذا انت من يومي عرفتك وهذا انت



ألعـن من الحصني وانجس مـن الفار



اذا بغيت الشــي عنــدي تمســـكنت



ونزلت راســك للســوالف والاعـذار



واذا شـعرت انـك وصـلت وتمكنت



فصخت جــلد الــذل واصبحت جبار




<< الصيف >>




ياصــيف يامفـرق حبيب وحـبيبه



متى تروح وترجع احباب لحباب



متـى البعـــيده تلتقـــي بالقـــريبه



وتعود ايام اللقاء بين الاصحاب




<< الديوان >>




ماللكــويتي عنــدكم اي تقــدير



حبيبكم من غـــركم بنـــطلونه



كن الكويتي من مواليد كشمير



ماتقبلونه لو عــطاكم عيـــونه



حلالكم وامـوالكم خـــير للغير



اما الكويتي مبتلش في ديــونه



من باعــكم نفسه بحـفنة دنانير



اكيد بكـــره غيـــركم يشترونه





ممــــــــا رااق لي وان شاء الله يعجبكممممممممممممم

[سلطان عبدالله]

لاهنت

[[ عسّاف خيل ]]

ههههههههههههه تم الحفظ بـ المدونه



لآهنت لآهنت ( F )

[غنآتي]

[عـآزمـي الـنـقـيـرهـ]

السلام عليكم ورحمة الله وبركاته

لاهنت وصح السان شاعرها والسان ناقلها والاهنت يامتعب