جميييع قصائد الشاعر الكبيييرمحمد بن فطييس المري

[بنت الكايد]

السلام عليكم ورحمة الله وبركاته
حبيت اخصص هذا الملف لشاعرنا المميز واالقدير محمد بن فطيس المري (شاعر المليون ) وبصراحه انا احب قصائده كلها بلا استثناء في هذا الموضوع حبيت ان اي قصيد لشاعرنا توضع في هذا الملف يعني نشكله ديوان في المنتدى لانه يستاهل صراحتا و انا ببلش في قصيدته

((اي واله اهوجس))

إي والله أهوجـس ولانـي بمرتـاح ... والحزن فى حوش الحنايـا بفـاروع

أمسيت من وصل المواليـف مـزاح .. وأصبحت من فرقى المواليف مفجوع

البارحه .. في غبة الوصـل سبـاح ... واليوم من عرش المواصيـل مخلـوع

ياصاحبي .. صرح الهوى والوفا طاح ... والقلب كنه من عراويـه مقشـوع

كنت أحسب إن لحبنا عشرة أرواح ... إلين شفت الحبـل بيديـه مقطـوع

يوم العهد به حده إسبـوع لا راح ... إسبوع .. ويعوّد علي شوق ودموع

واليوم خمس سنين والهم .. مـازاح ... هم الفراق اللي بلا عذر مشـروع

أستغفر الله تسعة شهـور ياصـاح ... في غيبته قمت أحسب اليوم بإسبوع

العام .. خلي يسمع القلب لا صاح ... واليوم .. مهما صاح ماهو بمسموع

ضاع الحساب وشفت برق الجفا لاح ... وأيست لولا إن الرجا في مـزروع

وحالي نحل والحال مهوب منسـاح ... من كثر ما أظمى للمواصيل وأجوع

بليت في من دونه سيـوف ورمـاح ... وغدا علي وصله مثل حبة الكـوع

له مني إن سره على النـاس مابـاح ... ولي منه إن الصد غصب ٍ بلا طـوع

ارجو التفاعل وبلييييييز تثبيت من الايداره لاهنتو

[الفريض]

صحـ لسانكـ ولسانـ ابنـ فطيسـ

ولاهنتـ عـ النقلـ والفكرهـ الرائعهـ

تحيـــــــــــــــــــــــــــــاتيـ ،،

[عذب المعاني]

{{ ليـهـ الـمساء }}

ليه المسا عوق الشقاوي وطبه؟
وليه الهبوب تصحي القلب لا بات؟
وليه القمر يدعي جريح المحبه؟
ويقول له يا هيه..ما فات ..ما مات
جرحك ظهر لو قلت للوجه خبه
وللحزن في ضحكك رسوم وعلامات
وليه المطر بالذات ريحه.. وصبه
كنه رسول بين الاحباب بالذات؟
اشتاق فيه لشوفتك واتنبه
للي نسيته من مواقف ونظرات
لا استانس الخافق ذكر من يحبه
ورجع يراجع فالوناسات ما فات
يا مرتع القلب الحزين ومربه
يزيين بك مثل الذهب صدر الابيات
هيهات ينسى القلب شخص لعبه
وهيات يدله خاطري منك هيهات
سبك مديح ومدح غيرك مسبه
تقول واذني صوتها تقول لك هات
ونبع الغلا عندك وعندي مصبه
ومن الولا .. في خافقي لك ..ولايات
وطيفك حطب عيني..وعيني مشبه
والشوق برد ما انقطع لو للحظات
ومكانك الصدر ولك القلب شبه
بين الظلوع اللي فردها التنهات
ولك بيرق فالقلب حبك يهبه
شامخ ولا هزه من العذل غارات
محبتك فالوقت ذا ما تشبه
الا بخيمة بدو بين العمارات
ان شفتني ضايق واهوجس واسبه
اخاف غدر الوقت.. والوقت دورات
لا تحسب ان دمعي نزل دون سبه
ابكي من الفرقا وهي مابعد جات
اليوم كل امورنا..مستتبه
وبكره ماندري وش معه من مسرات
ارب قلبك مثل قلبي اربه
ما يخلفه شور العرب والمسافات


لاهــنتي يـا بنت الكايد على الـموضوع

[الفريض]

يا عاذلي عرّضتني صالي اللوم ..
شويتني؟..جعل المرض ينفخ شواك؟


قد لك سنه... تنفث على صدري سموم
تبغي تميت الحب... لكنّه اعياك


والمشكلة... انك قريبٍ ومن قوم
لولا غلاهم كان شيّنت ممساك


والسمع ..عن عذلك مرقّم و مختوم
مختوم بالظن الحسن... عن دعاواك


ودام الحبيب بواجب وصاله يقوم
ما همني لومك و كيدك و شكواك


الوصل ...قوّى فيني آمال و عزوم
و أنعش عروق القلب... وآذاك و اذواك


والا الجفا ...في منطق العشق مذموم
لانّه يْعَـــدْ أقـــصر طـــريقٍ لمســـعاك


و يا قلب ...ياللي من ,جفا الزين, محروم
جعل الولي من لوعة البين ياقاك


اليوم جوّك صافيٍ ما به غيوم
وبكره مَ نعلم يمكن تغيّم أجواك


يمكن تِخِيل غيوم فرقا ..على يوم
شدّة دويّ رعودها.. تجلط دماك


وتمطر عليك آلام و احزان و هموم
تِنبِت على قاعك من الضيقة ..اشواك


و تصبح خراب ...وينعق بداخلي بوم
يسكن ضلوع الصدر... ياكل بقاياك


يمكن؟ ...ولا به في الهوى شي مجزوم
"واللي يصيبك لو تتقيت ما اخطاك"


ويا زين... حبي لك على اللوح مرسوم
و مدري اذا مكتوب في اللوح فرقاك


خايف... فراقك في قضا الغيب مقسوم
فعاون دعاي برد فرقاك...بدعاك


والله يعافيني ويستر علي دوم
من صدتك يا سيّد الغيد و جْفاك

[مـح,مـد بـن راشـد]

صحـ لسانـ ابنـ فطيسـ

ولاهنتـ عـ النقلـ والفكرهـ الرائعهـ

تحيـــــــــــــــــــــــــــــاتيـ ،،





ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه

شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... واستغفـر الله

[سيده الذوق الاولى]

ياقـــو قلبكــ على الصدهـ وياصبركــ






اعجبتني كثير
تحاكي الواقع الاليم



ياقو قلبك على الصدة وياصبرك
وياوسع صدري على صدك وياصبري
***
وياطول عمرك بذاكرتي وياكبرك
وياشيب عيني بشيب عاد ذا كبري
***
والله لو أن حمل صبري فوقك كنت تبرك
ووالله لو تعتذر منتب على خبري
***
إما جبرك الغلا مقدر على جبرك
ياللي على أرض الوفا ماشبرك بشبري
***
تزعل وترجع وتلقاني على خبرك
وأنا أنكسر لك وأجيك أدور لجبري
***
أمحق وليف ومحبةولا أقول.. أبرك
حسبي عليك أعشقك وانت تحفر لقبري

[غرابيل العـجمي]

صحـ لسانكـ ولسانـ شاعرهاا

لاهنتـ عـ النقلـ الرائعـ

تحيـــــــــــــــــــــــــــــاتيـ ،،

__________________

[بنت الكايد]

المشاركة الأصلية كتبت بواسطة الفريض

صحـ لسانكـ ولسانـ ابنـ فطيسـ

ولاهنتـ عـ النقلـ والفكرهـ الرائعهـ

تحيـــــــــــــــــــــــــــــاتيـ ،،

صح بدنك :

تسلم ولا هنت ع المرور الطيب

[بنت الكايد]

صح السانكم
مشكورين ع المرور الطيب ولا هنتو جميع

[الفريض]

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي