مـــــســــــــــــــــاء الخـــــــــــــير
هذا انا .. يوم اخلف الوقت ظني
الحزن حزني .. والسوايا سوياك
بكيت .. وابكيت العيون .. وبكني
تعال .. شفني كل ماحان ذكراك
كم واحد جاني بعدك وسالني
شخبار من (.. حبيت واقفى وخلاك)
واصد .. والحزن الخفي ممتحني
وانا قلت : منهو . قيل : ماهوب يخفاك
قيل : العوض .. قلت : العوض ماشحني
والله لاهذا .. ولا ذا .. ولا ذاك
ياما بعضهم مرني ما فتني
ياجعل ماهم بالعوض في محياك
الله لا يجبر عزا .. من عذلني
ماجاة ما جاني .. ولا جاة ما جاك
واللي عذل ويقول ..(لوة ولو اني) ..
(.. جعل يعشق لة واحد كنة اياك..)
مافية شئ في حياتي غبني
الا نهار اقفيت .. وانا اسمع ابكاك
الله من ,, جرح قدبم ,, مكني
امداك نزفه لكن .. ادواة ما امداك
علي كم جار الزمان وطعني
اسمع صدى صوت المعاليق تنخاك
وين انت .؟ ياللي كل ماغبت كني
واقف على باب الامل .. واتحراك
ليتك تعرف تخون .. واقول: ( خني )
على الاقل القى سبب .. واتنساك
وليت الزمن فمحبتك .. ماخذلني
وليت الهجر من طيب خاطرك .. ورضاك
ولو ان قربك والوصل .. بالتمني
ماغبت عن عيني كثر ما اتمناك
خايف يطول البعد ..( وتسج مني )
(.. وياخذ مكانك ..) شخص .. ماهوب يسواك
وســـــــلامــــتــــكـــــــــم
وتقبلو تـــــــــحــــــيــــاتـــي
بـــــيـــــــرق الـــــــعـــــــــز
21-10-2010, 09:06 PM
قصيدة روووعه
العرض الشجري