ياحي برقه لابـرق تالـي عصيـر

[محـــ العجمي ـــمد]

بسم الله الرحمن الرحيم

السلام عليكم ورحمة الله وبركاته

ياحي برقه لابـرق تالـي عصيـر
يبرق ورى متن السحايـب بنـوره
سودن من القبلـه تسـوق التباشيـر
اول ليـال الـوسـم اول بـكـوره
وصوت الرعد يدوي بصم المظاهير
حدره ربابن مكتسـي فـي نشـوره
هبت هبوبه فـي حقـوق الشخاتيـر
وريح المطر زاهي بنفحت عطـوره
وصوت المطر يسوى رنيين المزامير
اسمع وشيمه قبـل ياتـي حضـوره
والجو رايـع فـاق كـل اتصاويـر
في صورتـن مامثلهـا اي صـوره
من بعدها شبيـت ضـو المساييـر
في فيتن تسوى المدن مـع قصـوره
بيت شعر مبني وصفـرن مباهيـر
والهيل من نـار العبـل زاد فـوره
مـع نشـامـا كلبيـهـم مناعـيـر
والعود الأزرق فايحن فـي بخـوره
والهـم والضيقـات ولـت مدابيـر
والكل يضحك منبسط مـن شعـوره
خطلان الأيدي مابهـم أي تقصيـر
من فعلهم شر الزمن غـاب جـوره
بدرب المراجل عجلوا خطوة السيـر
لوكـان كايـد ممتلـي بالخطـوره