قصيدة الشآعر حمد منصور العجمي في مدح د. الوسمي ..؟!

[عابر السبيل]

علمتهم ياعبيد معني الكرامة..../ وعلمتهم وشلون فزعات الابطال...

وقفتك وقفه عز وتبقي علامه... / في صفحه التاريخ تبقي للاجيال..

من كان مثلك نفتخر في مقامه.. / ونرفعلك البيضأ علي هضاب وجبال...

وحنا شموخ المجد وحنا سنامه.. / وحنا هل الديره صناديد ورجال..

وحنا الوفأ للدار وحنا حزامه... / ونرخص لها الارواح لاعال عيال...

ويادار ماينفعك (........ )... / ولاينفعك لاكشر الوقت جهال!!

ماينفعك ياكود اهل الشهامه... / اهل الاصل والطيب ماضين الافعال..

ويادار راح النور وقبل ظلامه.. / من يوم سادوا بالبلد شله انذال...

صار الشريف اليوم سجنه كلامه.. / واهل الدجل لاهين في سرق الاموال...

وتبقي لنا ياعبيد رمز الكرامه.... / ومن لانجبت مثلك فلا جابت عيال



شكرا على نقل القصيدة ولاهان شاعرنا حمد العجمي وجعل ربي يفك عوقه ويتم عليه الصحة والعافية