**·~-.¸¸,.-~* !(عايش انا بوادي وانته بوادي&لا هاضمن فعلك ولاني بمهضوم)!*·~-.¸¸,.-~*

[عبد الله العظيمان]

سلام عليكم ورحمة الله وبركاته

مساء \صباح الخير
قصيدة عادي

عادي تراك ان رحت وان جيت عادي
لا ناشد (ن) عنك ولا انته بملزوم

العمر يمشي فالرخا والشدادي
ولا زايد (ن) عمري ولا ناقصة يوم

اللي يبيني منزله في فؤادي
محشوم لجاني وان غاب محشوم

واللي يبي بعدي عساه البعادي
والساعة اللي ودته جعلها دوم

لا جايع (ن) عقبه ولان بغادي
ولا ضايق (ن) صدري ولاني بمهموم

الحمد لله مهتني في رقادي
واللي انكتب للنفس والرزق مقسوم

ما هي غريبه منك امر اعتيادي
هذي طبيعة فيك ما هي من اليوم

عايش انا بوادي وانته بوادي
لا هاضمن فعلك ولاني بمهضوم

كلش مرادك يختلف عن مرادي
وحتى التفاهم بيننا صار معدوم

ماني على المقفي شفوق منادي
والصقر ما يشفق على شوفة البوم

عادي تراك ان رحت وان جيت عادي
لا ناشد (ن) عنك ولا انته بملزوم