السلام عليكم ورحمه الله وبركاته
هذي القصيده قالها الشاعر فهد الفردوس
موجها إلى الأخ فــلاح بن هادي بن مـلبـز ( رحمه الله)وهـــو يـسـتـحق أكــثـــــــر من ذلك
باديين بسم الولي رب الجــلاله...ربنا المعبود نسجد طاعةٍ لـه
صوب إبن ملبز نويت أرسل رساله...بلغـه مني ســـلام في سجـلـه
قلتـها وقـولها لاجـا مـجـالـه...حـاز ابن مـلبز الطيب كلــه
يافـلاح أفلحت يا رجل الصـماله...بين ربعك كايد المشكل تحلـه
كل منهو طـيـب يـاحـي فـالــه...كل حــمل كايد عنهم يشـلــه
والقضية حـلها من حـر مــالـه...مـرخص بالمال لاجاء واجب لـه
يدفع الآلاف ويـدُور الجــمـالـه...وإبن عمه إليا تضايق مسندله
أبوهــادي كل من سمعه دعـالـه...خص إبن ملـبز بها والغير خله
والمراجـل كايـده ماهي سهالـه...دربها كايـد ويصعب منهج لـه
من وقف بالطيب تشهد له إرجاله...ومن فعل الإحسان يبقى شاهدله
أبـوهــادي ناهج نهج الشكالـه...مكسب الطولات دايـم عادة لـه
جـعـل يـعلم كـل رجـال تكالـه...لا لفيته دوم يضـحك ناجد لـه
مفرق الـديره ترى بيته قبالـه...بيت إبن مـلبز ترى كل يدلـه
مـن يـزوره دايـم يرتاح بالـه...أبـوهـادي لا لفيته ما تملـه
ربعه العجمـان هم ساسه وجالـه...يلطمون الـشره لامن شـان دله
كـم عقـيد قام يجـفل من ظلالـه...لابغى الأطـماع فيهم ما حصلـه
لابتـه تعـرف إلى جـاوك صيالـه...لاتـعلوا فوقـها مثل الأهلــه
جعل يفـدونه قليلين العدالــه...الـردى عـوقـان لا تاتي محلـه
اترك اللي ماشـي درب الرذالـه...ماشـي درب المخازي والمذلـه
والـردي لا ناض خانت به حبالـه...في الأمور الهينه طبعه يتلـه
والـردي لعـل يبـكونه عـيالـه...جعل سـلال البشـر حاله يسلـه
والصـلاة إعداد ما يذري شمالـه...للـنبي إعـداد سحـب مستهلـه
ملاحظه: هذي القصيده من مبطي وهي عندي وتوني انشرها.
22-07-2005, 01:26 AM
هذي القصيده قالها الشاعر فهد الفردوس موجها إلى الأخ فــلاح بن هادي بن مـلبـز
العرض الشجري