وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

اقلط بقهويك شعري فاحـت دلالـي
اقدع قصيده وخـذ فنجالهـا صـوره
صافح كفوف المعاني واقـف اقبالـي
قصيدتـي فيـك مختالـه ومغـروره

[شقران السبيعي]

راع الهوى تلقـى بقلبـه نواضيـح
والى طرى له طاري النوح ناحـي
ما ينفتـح بــاب ٍ بلـيـا مفاتـيـح
وإلى انفتح فالـدرب كلّـه سماحـي

[شقران السبيعي]

لا لا يصيبك يا اريش العيـن وسـواس
للحين حبـك وسـط الاعمـاق باقـي
لو عاش قلبي عيشه الضيـم والبـاس
كلـي معـك لو كـان مابـه تـلاقـي

[شقران السبيعي]

ما غير انا وانت والحرمان والحيره
ما غير انا وانت واللوعات واوراقي
يا صاحبي والهوى ما عاد له سيـره
الا الحب تمكـن داخـل اعماقـي

[شقران السبيعي]

قالت شمالي .. قلت قلبي شمالي
واحب حايل واعشق اللي سكنها
قالت هواي بنجد صوت ٍ بكى لي
تبكيه روح ٍ ما بكت مـن زمنهـا
الا لعينـك يا بعـد كـل غـالـي
جتك المشاعر كلها واحتضنهـا
واعزف على نغمات عذب الليالي
أنا طلبتك تكتـب اليـوم عنهـا
أنا حلالك وانـت والله حلالـي
روحي وهبتك وأنت فيها ومنهـا
قالت شمالي ..قلت قلبي شمالـي
قالت اموت بنجد واللـي سكنها

[شقران السبيعي]

أنتي شمـوخ القصيـد وروح قيفانـه
وأنتي طموح الحروف ونزفي وبوحي
ما كني إلا وطـن حضرتـك سلطانـه
في كل شبر ٍ من أركانه لك أصروحـي

[شقران السبيعي]

أنا على قربك شفـوق ٍ وملهـوف
أقبل وتبعد خطوتك عـن مكانـي

[شقران السبيعي]

لا تزيد الجرح ما قصّـر زمانـي
شايل ٍ بالقلب أحـزان السنيـن
لا تزيد الجـرح ما فينـي كفانـي
لا تصير اليوم مع وقتي معيـن

[شقران السبيعي]

ودي بشوفك يـا مطـوّل غيابـك
بعدك علي الكون يا عزوتي ضـاق

[شقران السبيعي]

خلهـا بالقلـب تحـرق مابـقـى
عادتي ما اشكي على غيري عنـاي