اعزائي اعضاء وزوار منتدى الشعر العام اهدي لكم هذه القصيدة
للشاعر خضير جلوب اللهيبي ارجو ان تنال اعجابكم
(( أجمل غزال ))
أعد أسنين عمري ألخلصتهه أويـــــــــــاك
ولوم أبساع روحـــي أو ما ألومنــك
لأن شخصك ظلمني أبكل برود أعصـــاب
أو حملتك كل شبابي أو ماگلت چنك
نهار أو ليـــــــل أعالـــــج بسمك أبطرواك
وگولن يـلـعـزيــــــــز أشلـون أملنك
وأطـفـر مــــــــــــن مچاني أبحالة ألملهوف
وتعثر أبهدمـــــــــــي أبيوم أشوفنك
وأتذكر لقائك مــــــــــــــــــــن أصير أوياك
وگول أبيا جساره أشلون أخــزرنك
ياأجمل غــــــــــزال أبفيض مابـــــــي ناس
بس شفتك صحت مبخوت أحبنـــك
بقيـــــــــت أتمايــــــــزك وأصفنلك أبيا حال
وسولفلك شگلك بلچــــــــي أقنعنك
أدلل بـيـــــــك دوم أشتـــــامــر أو شتريــــد
وحــاذر خاف مره أبزلــه أزعلنك
أفك عيني أو شعوري أمن ألتقيك أبيـــــــوم
أريـــد أبكل جوارح روحي أحسنك
وخـــــــــــــاف أعليك مني أو أقره بالتعويذ
من توگف أگبالي أو خاف أضرنك
مـــــــو نظرة حســـــد نظرة فــــرح بهواك
أبجمالك ونته غالي أو ماكو أعز منك
وظل خايف ووهوس من أسولف بيـــــــــك
گلــــي أشــلــون حــاير وين أظمنك
صورة أبماي أشوفك بس أخبطه أتـــــروح
وظل عطشان لجلك حتـــى أحفظنك
تحس بيه أمن أغيب أوتهلْ دمــــــع ألشوگ
أو هم تسأل أبروحك ليش أعزنــــك
لو تضحك سوالف مثل باقي ألنــــــــــــاس
وانـــــــه أبروحي أعالج من أذكرنك
أحس بيك أبدلالك تحش كل أعــــضـــــاي
وگلك ليـــش ظالم مانــــــــــــه أحبنك
الشاعر
خضير چلوب اللهيبي
01-07-2011, 10:37 AM
العرض العادي
