قصيدة نخوة يالرجال....

[أبــــو وحــــــش]

السلم عليكم ورحمة الله وبركاته

قصيدة نخوة يالرجال...

إذا المراجل لبسة شماغ وعقال

قل للعذارى يلبسنّ العمايــــــم

ما عاد يفرق زول حرمه ورجال

دام الفعايل تشبه البعض دايم

المرجله ما هيب كلمه وتنقال

وتروح ما راحت هبوب النسايم

وإلا خشونة صوت أو رفع الأثقال

أو رزة صدور وفعل الزلايـــــم

ولا هي بعد مفتاح موتر وجوال

وإلا ردى لسانن حديثه شتايـــم

المرجله شيمه عن القيل والقال

رفيع نفس (ن ) حر بالجو حايم

المرجله عقلٍ وزن وزنه جبال

ودون العقل وش فرقنا والبهايم

يا مسندي لو مايل الوقت بي مال

يا ولد أبويه يا عظيم العزايـــــم

يا معرب الجدين من العم والخال

يا نخوة المفزوع وقت الهزايـم

المرجله يا خوي هي طولة البال

هي العزم هي الصبر فالظلايم

فيها الكرم عزه دله وفنجــــال

فيها الكرامه عن ردى الطبع شايم

والدين لامنه خذا القلب منزال

مشى طريق الحق وابليس نايم

ومن لا عرف ربه في طيب الحال

لابد وقت الضيق بالهم هايم

حتى صلاتك مع جماعات ورجال

في خيرها يا خوي نعم الغنايم

ولامن نصف ليلك قم صفي البال

يا عظم أجرك بين ساجد وقايم

ولا من رفع ربي له كل الأعمال

حسن الذكر لا قالو فلان صايم

وخلك شريف القصد يا طيب الفال

سوء المقاصد فالبيوت الهدايم

واحذر تبيع النفس في دب الأنذال

وتتبع خوي إبليس راع النمايم

النفس خيل لك إذا كنت خيّال

ومن لا قوى نفسه قوته الهزايم

ولا صرت ما تدري لو يش أنت رجال

والله خسارة فيك ذبح التمايــــم

هذي القصيدة في رجل نخيته في موضوع وأرجو
أن يكون عند حسن الظن له مكانه و إسم في المنتدى

(ص.م)

[بوغيث]

من الرجل

[ابو سالم الدويخ]

صح لسانك و لسان شاعرها

ولا هنت ع النقل

[أفتخر أني عجمية]

قصيدك مميز

يعطيك الف عافيه

[*ابوخالد*]

صح السانك والسان شاعرها

ولاهنت على النقل الرائع

[ابو شقره]

صح لسان شاعرها
ولا هنت على النقل
يابو وحش

[مانع بن ناصر الظريس]

صح لسانك و لسان شاعرها

ولا هنت النقل الطيب

[الـعـابـر]

صح لسانك ولسان شاعرها