(( الله اكبر يا صـديق ٍ تسـعده شـوف الطـعـون ))

[سعود الحضيري]

يــسعد الله صــباحكم / مســاكم ، بالمــسك واليــاسمين
أتمــنى أني أقــدم الي يسـعد هذا المنتـدى الشـامخ
وعسا أن هذي القصيدة تبرر الغـياب وعدم التواجد

( يــارفيــق الــدرب )

لاهب نسناس الشمال الي كسر جل الغصون=بس تسائل من معي؟ لاصرت مع فكري وحيد

أبـحر بتفكــر الرفـاقـه أصـبـح بحـالـة سـكــون=أسـج مع فيـض المشاعـر لابـدى بـوح القصيـد

ياكم رجل ٍ مسكنـه فـي جوف ذاتـي والعيـون=أذكره من بين العرب وامدحه في جزل النشيد

لا يارفيـق الـدرب لا تفضحـك عـبرات الجفـون=لـو مـن قسـاوة دنيتـك والضيـم والحـظ العنيـد

شف صاحبك لولا القناعه ماهزم سود الظنـون=كم يستبيـح الدمـع مـن عينـه لجل غالـي ٍ فقيد

وشلون تبطي بالمغيبـه وانـت تـدري مـن تكـون=يانـور دربـي و الخـوي الـي جـرى بـدم الوريد

صحيح واجد من معي لكني اجهل وش يبـون=بحكم الزمان الي كشف لي كم شخص مايفيد

الله اكبـر ياصـديـق ٍ تسعـده شــوف الطـعـون=ياكيف يرضى في خسارة راس ماله من جديد

لا يـاغـرابــة فعلـتـه لـكــن مـــن قــــدره يــمون=دوم أتظاهـر بالتواضع مـن كبر قـدر العضـيد

لو شفت نفسي مع ضياع الواقع الي مايهون=أكـافـح الحلـم بعزيـمـه لــو أشــوف أنــه بـعـيد

لا يازمـان المصلحـه وصلتـنـي لـحـد الـجـنـون=وشلـون بلحـق شرهتـي بالـي لهـم قلـب ٍ بلـيـد

شـعر / سعود الحضيري