جـــــرح الهــــوى

خالد بن جفن · #1 18-12-2011, 11:10 PM

أتمنى تحوز أعجابكم

حمّل النفس الصّبر .. والقدر لك يستجيب =تزهر الدنيا فرح .. ينفتح لك ألف باب
كم وكم لك بالكدر .. ناويه همن تصيب =دونها حال الدّعى .. والولي لك أستجاب
ذي عوايدها كذا .. بالغصب هي لك تطيب = سنّة اللي لك خلق .. يا بشر بالصّبر ثاب
أن فرحت اليوم بالغدْ .. تراها تستريب = ينكسر حظّك .. وفالك بعد ما أستطاب
وأن تفارق حظّكم .. باللذي غصنه رطيب = كم وكم من قبلكم .. بالمفارق به صواب
ينتظر عين الرّضى .. يا عسى ما تستهيب =في دروب الحبّ قالوا .. ترى محدن يهاب
آه يا جرح الهوى .. مالكم يعرف طبيب = ما يفيد النّصح بك .. أو بعد لو تستتاب
والثّقه في غير حلّن .. تراها تستعيب = من زرع له في صفا .. قد خسر لا يستثاب
كم صديقن بالحكي .. يحسبن هو لك قريب = وأنت أبعد له .. من النّجم من فوق التّراب
له أبزرع من .. رياحين روضن له عشيب = في حنايا الجوف .. له نابتن همس العتاب
له أبسقي خدّنا .. وابلن دمعن سكيب = غاشين له من .. صروح الفكر وقفة حساب
له بقول الحبّ له .. خطوته خطوى نهيب = من يحوزه فأوّل ..العمر منوهْ عضّ ناب
ثمّ له بكتب على .. صرح حبّه شيْ غريب = هو مثل يمكن .. سمعته قريته في كَتاب
لا تكن له أبن عمّن .. وقالوا كن نسيب = والبلا منهو لثنتينها .. أخطى وشاب

خالد براك بن جفن
18/12/2011