اقدر موقفك و أعذرك...و اذكر عشرتك بالخير
واكرر شكري و تقدير قلبي...يابعد قلبي
و أقول آسف على حزنك على بعدك على التقصير
حبيبي ليه ألومك و اشتكي و أحملك ذنبي؟؟
آنا واضح لكن ماأملك القدرة عل التعبير
أمانة عش حياتك...و اترك همومي تسافر بي
حياتك تستحق التضحية و الصبر و التفكير
حرام يضيع حلمك...يارفيق الدرب في دربي
آنا كان اعتراضي كيف مثلك خانه التقدير؟؟
كيف تروح مافكرت في حبك وحبي؟؟
بلحظة...كيف صرت أقسى من الفرقا بلا تبرير
وآنا اللي ليلة فراقك بغيتك تاقف بجنبي
أذكرك بغلانا و الغلا ماينتظر تذكير
تذكر و أنت في عز الفرح...إن الغلا قربي
تصاحبك السلامة و الأماني...يانصيب الغير
آنا كل الكلام اللي باقوله...يحفظك ربي
و تبقى اكبر و اكبر بعيني...و الزمان صغير
و لوما قلت احبك...كل يوم يقولها قلبي ..
05-03-2012, 10:55 AM
العرض الشجري