عسـى درب القنـاعة لا وطتــه أقدامنــا سالك

[عارف دربه]

دخيــلك يالعنـى وقـف ما عـاد لدلّتـك فنـجال

لـك اللـه كـم تـقهويـنــا مـرارة حـزن بـدلالـك

رحمك الله يا عودن حويت من المزايا خصال

سكنـت بمنزلن عامـر بنيتـه قصـر بأعمـالك

شفعلك حبك لدينك نصرته ماشكيت الحال

ربـيـع الخيـر فديـارك روى من علم همـالك

عزيزالنفس مايرضى على جمع الردى محوال

وكم من مجلسن نبّه رقى من طيب منزالك

رحلت وسيرتك تبقى على وضح النقى تختال

وكـم من حيّ لا يـذكـر وبين النـاس متـهالك

وجودي وجد من يرجي عجوزه والمرض قتال

ثلاث اسنين تنخى بكرها والحال يرثى لك

دعته بصوت متحشرج : يأمك ليتني أحتال

أضم أخوانك لصدري وأسمي أكبـر اعيـالك

خذاها الموت وأيتامن غدت ضحكاتهم ولوال

وصوت اصغارها تدعي (ليت العمر يهدى لك)

رضيـنـا بـالقـدر واللـه يبـدل هـزلـها بـجـزال

عسى درب القناعة لا وطته أقدامنا سالك

وسلامتكم جميــع

[الذآهبه]

وجودي وجد من يرجي عجوزه والمرض قتال

ثلاث اسنين تنخى بكرها والحال يرثى لك

دعته بصوت متحشرج : يأمك ليتني أحتال

أضم أخوانك لصدري وأسمي أكبـر اعيـالك

أحترت أي أبياتك أقتبس
فـ أخترت بيت التوجد يمكن لآنه شوي حرك فيني
حزن !!

لله درك ي أخوي
ونحترى جديدك بكل شووق

والله قصيده رآآئعه بأكملها

[الـعـابـر]

صح لسانك

[عارف دربه]

الذاهبــه ( اشكر مرورك الكريم ولا هنتي)

[عارف دربه]

العابـــر ( صح ابدنك ومرورك شرف لي)

[الشيخه شيخه]

صح لسانك

[عارف دربه]

الشيـخه شيـخه ( صح ابدنـك )

[الاصيله]

صح لساانك


وعلى شاانك

تحيااتي لك

[الشآعر الصيّه]

صح الله لسانك .. وعسى الله يرحم جميع اموات المسلمين

كلمات جميله بقدر ماهي حزينه .. مبدع بإحساسك يـ " عارف دربه "

لاهنت على الاطراء الجميل

[عارف دربه]

الاصيــله ( صح ابدنك ولا هنتي )