الغياب ان طال عقد على الشخص الحياه ..

[امير الجن]

هذي اول قصيده اطرحها بعد الغياب الطويل واتمنى تحوز على رضاكم ..



الفقير اللي طلب له غني ولا عطاه
مد له يمناه لكن صد وردها

راح يمشي عنه مقفي وهو يمشي وراه
في رجاء منه العطاء والغني مامدها

حالته تشبه لحالت محبٍ في هواه
لا لقاله فرصت وصال جاء من لدها

وراح يشكي من همومن تبي تكثر علاه
لنتصفه الليل زادت وعدت حدها

ياوجودي وجد من ثالث رجوله عصاه
احتداه الشيب عن حاجةٍ هو ودها

لا تذكر قوته ماضي العمر بصباه
ماجداه الا دموعٍ تجرح خدها

والهنوف اللي سببها يهل الجفن ماه
السهر والدمع بغيابها ماسدها

قد تربت وسط صدري وماسكتن حماه
من ثمان سنين محدن يوقف ضدها

والسنين التاليه صرت اشكك في وفاه
خايفن جدران بيته هنا بيهدها

بس والله لو يسوي كذا يشفع غلاه
لرجع ابني له خيام الغلا وشدها

علموها باقيِ في حرا الوصل ولقاه
ولو تطول في سنين الجفا بعدها

الغياب ان طال عقد على الشخص الحياه
والحياه تكدنا .. بالعنا ونكدها

وبن ادم حاجتن وحده تبيح خفاه
تودع صدور الرياجيل تاصل حدها

لا عملت الطيب في واحدن مخفن رداه
ولا يبين سود الافعال غير بسدها

واحدن يتبع رفيقه ويهرج في قفاه
صحبتن ماتنشرى يلعن الله جدها

لا بغيت الخوه اللي على مذهب وجاه
دور اللي زلتك للعرب ماعدها






الشاعر // شــايــش الـ ع ـطـاوي ,,,

[يآحبني لهـ]

صــح لسانگ ولسان شاعرها
ولاهنت ع النقل
تقبل مروري

[الـعـابـر]

صــح لسانگ ولسان شاعرها
ولاهنت ع النقل

[●• Ŝђǿǿq •●]

وبن ادم حاجتن وحده تبيح خفاه
تودع صدور الرياجيل تاصل حدها

لا عملت الطيب في واحدن مخفن رداه
ولا يبين سود الافعال غير بسدها

أنشهًد
صح لسآن شآعرها وتِسلًم يمينكـً ..~

[الاصيله]

صح لسااان شاعرهاا ولاهنت ع نقلهاا


تحيااتي لك

[*ابوخالد*]

صح لسانك ولسان شاعرها

[ياعين أبوي]

نقل جميل وتسلم الايادي

[سحر الغروب]

من طول الغيبات جاب الغنايم
صح لساانك ملايين