قصة مثل مع الخيل ياشقرا

[أحمد عوض الأسـلمي]

شكراً أختي ( عـذبة الصفـات ) على الموضوع

وجُمعة مُبارَكة عليكِ وعلى رُوّاد موضوعك

ولزيادة المعلومة هناك قصيدة بهذا المعنى لا عرفُ صاحبَها يقولُ فيها :

يا كثر الاصحاب يوم اللعب والدشره *** يوم الملاهي تدوّر من يلهيها
من اول شقتي بالناس محتشره *** يوم العزوبية اللي كنت مغليها
واليوم لا عاد لا خوه ولا عشره *** الله ولا رفقة هذي تواليها
ناس مع المصلحه عشره على عشره *** وان حدك الوقت حدت لك جنابيها
اللي حياته مع البيلوت والنشره *** واللي يحب الدشوش ولاهيٍ فيها
واللي على الخط دايم فاغر الكشره *** سمّاعته طول ليله ما يوطّيها
واللي مزاجه مع القصّات والبشره *** ماله هدف والنصايح ما يدانيها
واللي مع الناس لا يفقه ولايشره *** شقراً مع الخيل لا هجّت تباريها
ذي عيّنه في شباب اليوم منتشره *** عسى الذي جابها من الارض يمحيها
اهل المصالح معرّفتهم كما القشره *** لا نظّف الراس بالصابون ينهيها
هذا كلامٍ علينا واجبٍ نشره *** وما تحرق الجمره إلاّ رِجل واطيها
وهيَ قصيدة بلا شك جميلة وتبيّن واقع الحال