ماني بضده واعرف اللف والاتجاه = والا العواصف قليل اللي يجي ضدها
اللي غرق يغرقك كله من اجل النجاه = عينه على العافية ان وصلت حدها
المصلحه جايره ما تنتبه للوصاه = قبل النفوس الضعيفه تنفتح يدها
كل العجب والتناقض في امور الحياه = القول ما هو فعل والمزح في جدها
ماكل مذنب بالهدنيا يحصل جزاه = وما كل من يرضي العالم كسب ودها
احدن هوت به تحت واحدن تماكن سماه = اللي رماها وصابت غير من صدها
العود الاول تبهذل لين بذوا خفاه = وبعض السوالف حجبها عنه من ردها
قامت اعياله تلحف ما بقى من رداه = تعشق النجوم السما وتموت في عدها
العاقل اللي وزنها مثل وزن الحصاه = ما غربلته البحور بجزرها ومدها
والجاهل اللي حسبها من غداه وعشاه = ولا فرق ماضي الايام من غدها
فيحان الصابري
06-12-2013, 02:44 PM
قصيدة - ماني بضده - للشاعر القدير - فيحان الصابري
)))
العرض العادي
